கியூபெக் மாகாணத்தின் புதிய முதலமைச்சர் கிறிஸ்டின் ஃப்ரெச்செட் (Christine Fréchette), தனது புதிய அமைச்சரவையை உத்தியோகபூர்வமாக அறிவித்தார்.
இதில் தனது அரசியல் எதிராளியாகக் கருதப்பட்ட பெர்னார்ட் ட்ரெய்ன்வில்லுக்கு (Bernard Drainville) மிக முக்கியமான அமைச்சுப் பதவியை வழங்கியதன் மூலம், கட்சிக்குள் நிலவிய பிளவுகளை அவர் முடிவுக்குக் கொண்டுவந்துள்ளார்.
முதலமைச்சராகப் பதவியேற்ற ஒரே வாரத்தில் ஃப்ரெச்செட் இந்த மாற்றங்களை மேற்கொண்டுள்ளார் முதலமைச்சர் ஃப்ரெச்செட் இதற்கு முன்னர் வகித்து வந்த பொருளாதார, புத்தாக்க மற்றும் எரிசக்தி (Economy, Innovation and Energy) அமைச்சுப் பதவி, தற்போது பெர்னார்ட் ட்ரெய்ன்வில்லிடம் ஒப்படைக்கப்பட்டுள்ளது.
முன்னைய ஆட்சியில் அமைச்சரவையிலிருந்து நீக்கப்பட்டிருந்த பிரான்சுவா பொன்னார்டெல் (François Bonnardel), தற்போது குடிவரவுத் துறை அமைச்சராக மீண்டும் நியமிக்கப்பட்டுள்ளார்.
பொதுப் பாதுகாப்பு அமைச்சராக இருந்த இயன் லஃப்ரெனியர் (Ian Lafrenière), பதவி உயர்வு பெற்று புதிய துணை முதலமைச்சராக நியமிக்கப்பட்டுள்ளார்.
எரிக் ஜிரார்ட் நிதி அமைச்சராகவும், சோனியா பெலாஞ்சர் சுகாதார அமைச்சராகவும் தாம் ஏற்கனவே வகித்து வந்த பதவிகளில் நீடிக்கின்றனர்.
கியூபெக் மாகாணத்தின் 17 நிர்வாகப் பிராந்தியங்களைக் கவனிப்பதற்காக பிராந்தியங்களுக்கான அமைச்சு' என்ற புதிய பிரிவு உருவாக்கப்பட்டு,
அதற்கு மெத்யூ லெவெஸ்க் (Mathieu Lévesque) அமைச்சராக நியமிக்கப்பட்டுள்ளார். அதேசமயம், முன்னைய ஆட்சியில் செல்வாக்கு மிக்க அமைச்சர்களாக
இருந்த ஜெனிவீவ் கில்போல்ட் மற்றும் கரோலின் ப்ரூக்ஸ் ஆகியோர் புதிய அமைச்சரவையில் இடம்பெறவில்லை. எதிர்வரும் கியூபெக் மாகாணத் தேர்தலை இலக்காகக் கொண்டு, புத்துணர்ச்சியான அதேவேளை அனுபவம் வாய்ந்த ஒரு குழுவை ஃப்ரெச்செட் உருவாக்கியுள்ளதாக அரசியல் ஆய்வாளர்கள் கருதுகின்றமை குறிப்பிடத்தக்கது.
