மொன்றியல் நகரிலுள்ள ‘வில்லேரே–செயின்ட்-மிஷேல்–பார்க்-எக்ஸ்டென்ஷன்’ (Villeray—Saint-Michel—Parc-Extension) பகுதியில் அமைந்துள்ள உணவகம் ஒன்றிற்குத் தீவைக்க முயன்ற நபரை மொன்றியல் பொலிஸார் தீவிரமாகத் தேடி வருகின்றனர்.
சாட்சி ஒருவர் அந்த குற்றச்சம்பவத்தின் போது தலையிட்டதால் பெரும் அசம்பாவிதம் தவிர்க்கப்பட்டு, சந்தேகநபர் சம்பவ இடத்திலிருந்து தப்பிச் சென்றுள்ளார்.
‘சான்-தலோன்’ (Jean-Talon) வீதி மற்றும் 22-வது அவென்யூ சந்திப்பிற்கு அருகில் இயங்கிவரும் ‘எல் காவா’ (El Khawa) உணவகத்தையே சந்தேகநபர் இலக்கு வைத்துள்ளார்.
ஆரம்பக்கட்ட விசாரணைகளின்படி, சந்தேகநபர் உணவகத்தின் ஜன்னல் கண்ணாடியை உடைத்து, உள்ளே தீவைக்கும் நோக்கில் செயற்பட்டுள்ளார்.
தீவைப்பதற்குப் பயன்படுத்தப்படும் அபாயகரமான பொருட்கள் (incendiary material) சம்பவ இடத்தில் இருந்து கைப்பற்றப்பட்டதாக மொன்றியல் பொலிஸார் உறுதிப்படுத்தியுள்ளனர்.
இச்சம்பவம் குறித்த விசாரணைகள் மொன்றியல் பொலிஸ் திணைக்களத்தின் (SPVM) தீவைப்பு விசாரணைப் பிரிவிடம் (Arson Unit) ஒப்படைக்கப்பட்டுள்ளன.
