அமெரிக்கா மற்றும் கனடா எல்லைப் பகுதியில் அமைந்துள்ள புகழ்பெற்ற ஒன்டாரியோ ஏரியின் (Lake Ontario) பெயரை, அமெரிக்காவில் உள்ள பயனர்களுக்கு மட்டும் ‘லேக் அமெரிக்கா’ (Lake America) என கூகுள் மேப்ஸ் (Google Maps) முறைப்படி மாற்றியமைத்துள்ளது.
அமெரிக்க அதிபர் டொனால்ட் டிரம்ப் பிறப்பித்த நிர்வாக உத்தரவைத் தொடர்ந்து இந்நடவடிக்கை எடுக்கப்பட்டுள்ளதாக கூகுள் நிறுவனம் அறிவித்துள்ளது.
இருப்பினும், கனடாவில் உள்ள பயனர்களுக்குப் பழமையான ‘லேக் ஒன்டாரியோ’ என்ற பெயரே தொடர்ந்து காண்பிக்கப்படும் என்றும், அமெரிக்கா மற்றும் கனடா அல்லாத பிற நாடுகளைச் சேர்ந்த பயனர்களுக்கு ஒன்டாரியோ ஏரி என்ற பெயருடன் அடைப்புக் குறிக்குள் ‘லேக் அமெரிக்கா’ என்றும் தோன்றும் என தெரிவிக்கப்பட்டுள்ளது.
அமெரிக்க புவியியல் பெயர்கள் தகவல் அமைப்பு (GNIS) அதிகாரப்பூர்வமாக இந்த ஏரியின் பெயரை மாற்றியுள்ளதால், தங்களது நிறுவனக் கொள்கையின்படி வரைபடத்தைப் புதுப்பித்துள்ளதாக கூகுள் விளக்கமளித்துள்ளது.
அரசு சார்ந்த அதிகாரப்பூர்வத் தரவுகளின் அடிப்படையிலேயே கூகுள் வரைபடத்தில் பெயர்கள் புதுப்பிக்கப்படுவதாக கூகுள் நிறுவனம் தனது இணையதளத்தில் குறிப்பிட்டுள்ளது.
