அமைச்சரவையில் கியூபெக்கிலிருந்து சில புதிய மற்றும் பரிச்சயமான முகங்கள் உள்வாங்கப்பட்டுள்ளன
இதே நேரத்தில் வேறு சில கியூபெக்கர்கள் இடம்பெறவில்லை
பிரான்சுவா-பிலிப் ஷாம்பெயின் பதவியேற்ற முதல் நபர்களில் ஒருவர். ஜஸ்டின் ட்ரூடோவின் அமைச்சரவையில் புதுமை, அறிவியல் மற்றும் தொழில்துறை அமைச்சராக இருந்த அவர், மார்க் கார்னியின் அமைச்சரவையில் நிதியமைச்சராக பதவியேறுள்ளார்
ட்ரூடோவின் கீழ் நிதியமைச்சராக இருந்த டொமினிக் லெப்லாங்க், மார்க் கார்னியின் புதிய சர்வதேச வர்த்தக அமைச்சராக பொறுப்பேற்றுள்ளார் மேலும் அரசுகளுக்கிடையேயான விவகார அமைச்சராக தனது பங்கைத் தக்க வைத்துக் கொள்வார்.எனவும் தெரிவிக்கப்ட்டுள்ளது
மெலனி ஜோலி கியூபெக்கின் சார்லெவோயிக்ஸ் பகுதியில் நடந்த G7 வெளியுறவு அமைச்சர்கள் கூட்டதில் கலந்து கொண்டிருந்ததால் விழாவில் கலந்து கொள்ள முடியவில்லை. அவர் வெளியுறவு மற்றும் சர்வதேச மேம்பாட்டு அமைச்சராக பதவியேற்க உள்ளார், சமீபத்தில் கடந்த அரசாங்கத்தில் அவர் வகித்த பதவி இதுவாகும். அதே பதவியை வகிக்கும் ஒரே கியூபெக்கிணை சேர்ந்தவர் இவர் என்பதும் குறிப்பிடத்தக்கது
ஸ்டீவன் கில்பால்ட் சுற்றுச்சூழல் அமைச்சராக கடந்த அரசாங்க அமைச்சரவையில் இருந்தவர் தற்பொழுது கனேடிய கலாச்சாரம் மற்றும் அடையாள அமைச்சராகவும் மற்றும் அவர் மார்க் கார்னியின் கியூபெக் லெப்டினன்ட்டாகவும் பணியாற்றுவார்.என தெரிவிக்கப்பட்டுள்ளது
கில்பால்ட் நீண்ட காலமாக கார்பன் வரியை ஆதரித்து வருகிறார், அதே நேரத்தில் மார்க் கார்னி கார்பன் வரியை ரத்து செய்ய பிரச்சாரம் மேற்கொண்டு அதனை தனது முதல் அரசு பணியாக நிறைவேற்றியுள்ளார்.
ஜஸ்டின் ட்ரூடோவின் பொது பாதுகாப்பு மற்றும் அதிகாரப்பூர்வ மொழிகள் அமைச்சரான ரேச்சல் பெண்டாயன் குடிவரவு அமைச்சராக பதவியேற்றுள்ளார்
பிரதமர் மார்க் கார்னியின் அரசாங்கத்தில் அதிகாரப்பூர்வ மொழிகளுக்கான அமைச்சர் இல்லை என , இன்று பிளாக் கியூபெக் தலைவர் யவ்ஸ்-பிரான்சுவா பிளான்செட் கடுமையாக விமர்சித்துள்ளார்
“கியூபெக் கலாச்சாரமும் அதிகாரப்பூர்வ மொழிகளும் இப்போது ‘கனடிய அடையாளம்’ என்று அழைக்கப்படும் ஒன்றின் ஒரு பகுதியாகும் என கனேடியர்கள் அனைவருக்கும் தெரிவிக்கப்பட்டுள்ளது.
2019 இல் முதன்முதலில் தேர்ந்தெடுக்கப்பட்டதிலிருந்து, பிரையர் குடும்ப நல அமைச்சராகவும் மற்றும் மனநலம் மற்றும் போதைப்பொருள் தடுப்பு அமைச்சர் உட்பட பல நாடாளுமன்ற செயலாளர் பதவிகளை வகித்துள்ளார்.
