மொன்றியலில் புகழ்பெற்ற யூத பொது வைத்தியசாலையின் (Jewish General Hospital – JGH) இதய அறுவை சிகிச்சைத் திட்டம் நிரந்தரமாக மூடப்படும் அபாயத்தை எதிர்கொண்டுள்ளது.போதிய இயந்திய விற்பன்னர் பற்றாக்குறை மற்றும் நவீன உபகரணங்களின் குறைபாடு காரணமாக இந்தப் பிரிவு கடும் நெருக்கடியில் உள்ளதாகத் தெரிவிக்கப்பட்டுள்ளது.
கடந்த ஒன்றரை ஆண்டுகளில் இந்த வைத்தியசாலையிலிருந்து சுமார் 40 சதவீதமான விசேட இதய சிகிச்சைக்கான இயந்திய விற்பன்னர்கள் வெளியேறியுள்ளனர். போதிய ஊழியர்கள் இல்லாததால், தற்போது இந்தப் பிரிவு தனது முழுத்திறனில் பாதியளவு மட்டுமே இயங்குகிறது.
இதனால் பல முக்கிய இதய அறுவை சிகிச்சைகள் ஒத்திவைக்கப்பட்டுள்ளன. வளங்களைச் சிக்கனப்படுத்தும் நோக்கில், இந்தப் பிரிவை மூடிவிட்டு இங்குள்ள சிகிச்சைகளை மற்றைய பெரிய வைத்தியசாலைகளுடன் இணைக்க கியூபெக் சுகாதார அமைச்சு பரிசீலித்து வருகிறது.இந்த அறுவை சிகிச்சைத் திட்டம் மூடப்பட்டால், மொன்றியல் பகுதியில் உள்ள நோயாளிகள் கடும் பாதிப்புக்குள்ளாவார்கள் எனச் சமூக ஆர்வலர்கள் எச்சரிக்கின்றனர்.
இதேவேளை, வைத்தியசாலை நிர்வாகம் இந்தப் பிரிவைத் தக்கவைத்துக் கொள்ளத் தீவிரமாகப் போராடி வருகிறது. விசேட நிபுணர்களை ஈர்ப்பதற்கும், அறுவை சிகிச்சை அறைகளை நவீனப்படுத்துவதற்கும் யூத பொது வைத்தியசாலை அறக்கட்டளை 10 மில்லியன் டொலர் அவசர நிதி திரட்டும் முயற்சியை ஆரம்பித்துள்ளது. இந்த விவகாரத்தில் கியூபெக் அரசாங்கத்தின் இறுதி முடிவு எதிர்வரும் ஜூன் மாதம் அறிவிக்கப்படும் என எதிர்பார்க்கப்படுகிறது.
