கியூபெக் தனிநாடாகப் பிரிந்தால் ஏற்படக்கூடிய பொருளாதாரத் தாக்கங்கள் குறித்த கேள்விகள் மீண்டும் தீவிரமடைந்துள்ளன.
1995 ஆம் ஆண்டுக்குப் பிறகு கியூபெக் சுதந்திரம் தொடர்பான சுயாதீனப் பொருளாதார ஆய்வுகள் ஏதும் மேற்கொள்ளப்படவில்லை.
இந்த நிலையில், அல்பெர்ட்டா மாகாணம் தனியாகப் பிரிவது தொடர்பாக அண்மையில் வெளியிடப்பட்ட பொருளாதார ஆய்வு ஒன்று, கியூபெக்கின் சுதந்திரக் கனவு தொடர்பில் எச்சரிக்கை அளிப்பதாகப் பொருளாதார நிபுணர்கள் சுட்டிக்காட்டியுள்ளனர்.
கல்கரி நகரைச் சேர்ந்த ‘மெக்கில் பொதுக் கொள்கைக் கழக’ (McGill Institute for the Study of Canada) இயக்குனர் டேனியல் பெலான்ட் (Daniel Béland) மற்றும் பொருளியலாளர் திமோதி சார்ஜண்ட் (Timothy Sargent) ஆகியோர் இது குறித்து முக்கிய அவதானிப்புகளை வெளியிட்டுள்ளனர்.
கியூபெக் தனிநாடாகும் போது, பொருளாதார இழப்பும் தாக்கமும் நிகழ வாய்ப்புள்ளதாக, அந்த நிபுணர்கள் எச்சரிக்கின்றனர்.
பிரிட்டன் ஐரோப்பிய ஒன்றியத்திலிருந்து விலகிய பிரெக்சிட்’ – Brexit சம்பவத்தைச் சுட்டிக்காட்டிய சார்ஜண்ட், “சுதந்திரத்திற்குப் பிறகு கியூபெக் தனது எல்லைகளில் சுங்கச் சோதனைகளையும், புதிய ஆவண நடைமுறைகளையும் அறிமுகப்படுத்த வேண்டியிருக்கும். இது கனடாவின் பிற பகுதிகளுடனான வர்த்தகத்தை நேரடியாகப் பாதிக்கும்” எனத் தெரிவித்துள்ளமை குறிப்பிடத் தக்கது.
