கியூபெக் லிபரல் கட்சி (PLQ) தனது சொந்த வேட்பாளரான பிரபல நடிகர் மிஷேல் சாவார்ட்டின் (Michel Savard) வேட்புமனுவை அதிரடியாக ரத்து செய்துள்ளது.
எதிர்க்கட்சியான ‘பார்ட்டி கியூபெகோவா’ (PQ) மற்றும் அதன் ஆதரவாளர்களை ‘நாஜிக்கள்’ என சமூக வலைதளங்களில் கடுமையாக விமர்சித்ததாக இவர் மீது பலதரப்புகளும் குற்றம் சுமத்தியுள்ளன.
இந்தக் குற்றச்சாட்டுகளைத் தொடர்ந்தே, கியூபெக் லிபரல் கட்சி (PLQ) தனது சொந்த வேட்பாளரான மிஷேல் சாவார்ட்டின் (Michel Savard) வேட்புமனுவை ரத்து செய்வது என்ற தீர்மானத்தை மேற்கொண்டுள்ளது.
வரவிருக்கும் கியூபெக் மாகாணத் தேர்தலில், மொன்றியலின் ‘கூவின்’ (Gouin) தேர்தல் தொகுதிக்கான லிபரல் கட்சியின் வேட்பாளராக 51 வயதான நடிகர் மிஷேல் சாவார்ட் கடந்த ஜூலை 17 ஆம் திகதி அறிவிக்கப்பட்டிருந்தார்.
இந்த நிலையில், எதிர்க்கட்சியான ‘பார்ட்டி கியூபெகோவா’ (PQ) மற்றும் அதன் ஆதரவாளர்களை ‘நாஜிக்கள்’ என வர்ணித்தமைக்கு, மிஷேல் சாவார்ட் பகிரங்க மன்னிப்பு கோரியுள்ளார்.
சமூக வலைதளங்களில் நிலவும் நச்சுத்தன்மை வாய்ந்த மோதல் கலாசாரத்தில் தான் பங்கேற்றதாக ஒப்புக் கொண்ட அவர், தனது அவதூறான பேச்சுகளுக்கு முழுப் பொறுப்பேற்பதாகவும், பாதிக்கப்பட்ட தலைவர்களிடம் மன்னிப்புக் கேட்பதாகவும் தெரிவித்துள்ளார்.
