மொன்றியல் நகர வீதிகளில் திடீரென அதிகரித்துள்ள வீதிக் குழிகள் (Potholes) காரணமாக வாகனச் சாரதிகள் பெரும் அசௌகரியங்களை எதிர்கொண்டு வரும் நிலையில், மொன்றியல் நகரத்தின் மேயர் சொராயா மார்ட்டினெஸ் ஃபெர்ராடாவின் (Soraya Martinez Ferrada) சொந்த வாகனமும் குழியில் சிக்கி சேதமடைந்துள்ளது.
நகரத்தின் வீதி நிலைமைகளை “பேரழிவு” (Catastrophic) என அவர் குறிப்பிட்ட சில மணித்தியாலங்களிலேயே, மொன்றியல் மேயரின் வாகனமும் இந்த நிலைக்குத் தள்ளப்பட்டுள்ளது.
மேயரின் வாகனம் மொன்றியலின் நொட்ரே-டாம் (Notre-Dame Street) வீதியில் பயணித்துக் கொண்டிருந்த போதே இச்சம்பவம் இடம்பெற்றுள்ளது.
அந்த வாகனத்தின் இரண்டு டயர்களும் வீதியின் குழிக்குள் விழுந்து வெடித்த நிலையில் இழுவை வாகனம் (Tow truck) மூலம் வாகனம் அகற்றப்பட்டது.
இந்த நிலையில் “மொன்றியல் வீதிகளில் சாரதிகள் சந்திக்கும் அவஸ்தையை நான் நேரடியாக உணர்ந்து கொண்டதாக” மொன்றியல் நகரத்தின் மேயர் சொராயா மார்ட்டினெஸ் ஃபெர்ராடா (Soraya Martinez Ferrada) தனது சமூக வலைத்தளப் பதிவில் தெரிவித்துள்ளார்.
அத்துடன், மொன்றியல் நகரின் வீதிப் பிரச்சினைகளுக்கு உடனடியாக தீர்வு காண்பதற்கான நடவடிக்கைகள் எடுக்கப்படும்” என, அவர் உறுதியளித்தார்.
