கியூபெக் (Quebec) மாகாணத்தில் போதைப்பொருள், மதுபானம், சூதாட்டம் மற்றும் இணையப்பழக்க அடிமைத்தனம் (Cyberaddiction) ஆகியவற்றால் பாதிக்கப்படுவோரைக் கண்டறிந்து, அவர்களுக்கு உரிய சிகிச்சை அளிப்பதற்காக, துரித பரிசோதனை முறைகளும் சிறப்புச் சுகாதாரச் சேவைகளும் விரிவுபடுத்தப்பட்டு வருகின்றன.
பாதிக்கப்பட்ட நபர்கள் தங்களது நிலையைத் தொடக்கத்திலேயே கண்டறிந்து, தேவையான மருத்துவ மற்றும் உளவியல் ஆலோசனைகளைப் பெறுவதை உறுதிசெய்வதே இதன் முக்கிய நோக்கமாகும்.
கியூபெக் சுகாதாரத் துறையின் புதிய வழிகாட்டல்களின்படி, உள்ளூர் சமூக சேவை மையங்கள் (CLSCs) மற்றும் மத்திய சுகாதார மையங்கள் மூலம் இச்சேவைகள் வழங்கப்படுகின்றன. போதைப் பழக்கம் அல்லது பழக்கவழக்கக் கோளாறுகளால் ஏற்படும் பாதிப்புகளை, துல்லியமாக மதிப்பிட, சான்றளிக்கப்பட்ட பரிசோதனை கருவிகள் (Screening Tools) பயன்படுத்தப்படுகின்றன.
இதன் மூலம் பாதிக்கப்பட்ட நபரின் தற்போதைய நிலை ஆராயப்பட்டு, அவருக்குப் பொருத்தமான சிகிச்சை முறைகள் பரிந்துரைக்கப்படுகின்றன. சமீபகாலமாக கியூபெக் (Quebec) மாகாணத்தில் போதைப்பொருள் பயன்பாடு, குறிப்பாக ஓபியாய்டு ரக மருந்துகளின் தவறான பயன்பாடு மற்றும் இணைய வழியிலான சூதாட்டக் கோளாறுகள் பெரும் சவாலாக உருவெடுத்துள்ளமை குறிப்பிடத்தக்கது.
