எக்ஸ்பிரஸ் துவிச்சக்கரவண்டி வலையமைப்பின்’ (REV) விரிவாக்கப் பணிகளைத் தற்காலிகமாக நிறுத்தி வைப்பதாக மொன்றியல் மாநகர சபை அறிவித்துள்ளது.
மொன்றியலின் லாகோர்டெயார் (Lacordaire) வீதியில் இந்த ‘எக்ஸ்பிரஸ் துவிச்சக்கரவண்டி வலையமைப்பு’ (REV) அமைக்கப்படவிருந்தது.
சென்-லியொனார்ட் (Saint-Léonard) பகுதியில் அமையவிருந்த இந்தப் பாதுகாக்கப்பட்ட துவிச்சக்கரவண்டி பாதைக்காக, சுமார் 300-க்கும் மேற்பட்ட வாகனத் தரிப்பிடங்களை (Parking spots) அகற்ற வேண்டிய சூழல் நிலவியது.
வாகனத் தரிப்பிடங்கள் அகற்றப்பட்டால் வாடிக்கையாளர்கள் வரமாட்டார்கள் என்றும், இதனால் சிறு வணிகங்கள் பெருமளவில் பாதிக்கப்படும் என்றும் அப்பகுதி வர்த்தகர்கள் எதிர்ப்புத் தெரிவித்தனர்.
மொன்றியலின் உள்ளூர் வர்த்தகர்கள் மற்றும் பொதுமக்களின் கடும் எதிர்ப்பு காரணமாக இந்தத் திட்டம் இடைநிறுத்தப்பட்டுள்ளது.
மக்களின் கருத்துக்களைக் கேட்டறிந்த பின்னர், “மேலதிக ஆலோசனைகள்” தேவைப்படுவதால் இந்தத் திட்டத்தை நிறுத்தி வைப்பதாக, மொன்றியலின் மாநகர சபை நிறைவேற்றுக்குழு நேற்றுத் தெரிவித்தது.
