நீண்டகாலமாகச் சரிவைச் சந்தித்து வந்த கியூபெக் லிபரல் கட்சி (PLQ), புதிய தலைவர் சார்லஸ் மில்லியார்ட் (Charles Milliard) தலைமையில் மீண்டும் எழுச்சி பெற்று வருவதாகப் புதிய அரசியல் ஆய்வுகள் தெரிவிக்கின்றன.
அண்மைய கருத்துக் கணிப்புகளில், இக்கட்சியானது, முன்னணி இடத்திலிருக்கும் ‘பார்ட்டி கியூபெக்வா’ (PQ) கட்சிக்கு நிகரான ஆதரவைப் பெற்று, மீண்டும் முன்னேறியுள்ளது.
முன்னாள் தலைவர் பப்லோ ரோட்ரிகஸ் பதவி விலகியதைத் தொடர்ந்து, கடந்த பிப்ரவரி 13 அன்று சார்லஸ் மில்லியார்ட் போட்டியின்றி, கியூபெக் லிபரல் கட்சியின் தலைவராகத் தேர்ந்தெடுக்கப்பட்டார்.
தொழிலதிபரான இவர், கியூபெக் லிபரல் கட்சியின் நீண்டகால ஊழல் புகார்களைக் களைந்து, மக்களின் அடிப்படைப் பொருளாதாரப் பிரச்சினைகளில் கவனம் செலுத்துவதாக உறுதியளித்துள்ளார்.
கியூபெக் கனடாவுடன் இணைந்திருப்பதை உறுதி செய்யும் ‘பெடரலிஸ்ட்’ (Federalist) சக்தியாக, கியூபெக் லிபரல் கட்சி தன்னை முன்னிறுத்தி வருகின்றமை குறிப்பிடத்தக்கது.
