ஒட்டாவாவின் அல்கோன்குயின் கல்லூரி (Algonquin College) தனது 30 முக்கியப் பாடப்பிரிவுகளை ரத்து செய்யும் முடிவை தற்காலிகமாக
ஒத்திவைத்துள்ளது.
ஒன்டாரியோ மாகாண அரசு, கல்லூரிகளுக்கான நிதி உதவியை அதிகரித்துள்ளதைத் தொடர்ந்து இந்த செய்தி வெளியாகியுள்ளது.
கடந்த ஜனவரி மாதம், நிதி நெருக்கடி காரணமாக இதழியல் (Journalism), உணவக மேலாண்மை (Hotel Management) மற்றும் நிதிச் சேவைகள் உள்ளிட்ட 30 பாடப்பிரிவுகளை நிறுத்த கல்லூரி நிர்வாகம் பரிந்துரைத்தது.
பிப்ரவரி 23-ஆம் திகதி இதற்கான இறுதி முடிவை கல்லூரி சபை எடுக்கவிருந்தது. ஆனால், தற்போது ஒன்டாரியோ அரசு 6.4 பில்லியன் டொலர் நிதியுதவியை அறிவித்துள்ளதாலும், 7 ஆண்டுகளாக இருந்த கல்விக்கட்டணக் கட்டுப்பாட்டை நீக்கியுள்ளதாலும் கல்லூரி நிர்வாகம் இந்த தீர்மானித்தை
மேற்கொண்டுள்ளது.
2019 ஆம் ஆண்டு முதல் கல்விக்கட்டணத்தை உயர்த்த முடியாமல் இருந்த கல்லூரிகள், இனி ஆண்டுக்கு 2% வரை கட்டணத்தை உயர்த்திக் கொள்ள அனுமதி அளிக்கப்பட்டுள்ளது.
வெளிநாட்டு மாணவர்களின் எண்ணிக்கை குறைந்ததால் கல்லூரிகளுக்கு ஏற்பட்ட வருவாய் இழப்பை ஈடுகட்ட, இந்த மாகாண நிதி உதவி உதவும் என எதிர்பார்க்கப்படுகிறது.
