நாட்டைப் பாதுகாக்க அரசியல் கட்சிகள் தியாகங்களுக்குத் தயாராக இருக்க வேண்டும் என்றும் முன்னாள் பிரதமர் ஸ்டீபன் ஹார்ப்பர் (Stephen Harper) வலியுறுத்தியுள்ளார்.
நாடு தற்போது முன் எப்போதும் இல்லாத வகையில் வெளிநாட்டிலிருந்தும், உள்நாட்டிலிருந்தும் பெரும் அச்சுறுத்தல்களைச் சந்தித்து வருவதாக, அவர் தெரிவித்துள்ளார்.
அமெரிக்க அதிபர் டொனால்ட் டிரம்ப் கனடாவைத் தனது நாட்டின் “51-வது மாநிலமாக” மாற்ற விரும்புவதாகக் கூறியிருப்பதையும், வர்த்தகப் போர் மிரட்டல்களையும் ஹார்ப்பர் வன்மையாகக் கண்டித்தார்.
அமெரிக்காவை ஒரு “ஏகாதிபத்திய சக்தி” (Imperialist force) என்று அவர் வர்ணித்தார்.
மேலும், ஆல்பர்ட்டா (Alberta) மற்றும் கியூபெக் மாகாணங்களில் மீண்டும் தலைதூக்கி வரும் பிரிவினைவாத இயக்கங்கள் நாட்டின் ஒருமைப்பாட்டிற்கு வேட்டு வைப்பதாக முன்னாள் பிரதமர் ஸ்டீபன் ஹார்ப்பர் வேதனை தெரிவித்தார்.
