கியூபெக்கின் லாவல் (Laval) நகரில் உள்ள செயின்ட்-ரோஸ் (Sainte-Rose) பகுதியில், 13 வயதுச் சிறுமி ஒருவர் பள்ளிப் பேருந்தில் மோதி உயிரிழந்துள்ளார்.
அதே பேருந்தில் பயணியாக வந்த அந்தச் சிறுமி பேருந்தை விட்டு இறங்கிய உடனேயே மோதலுக்கு உள்ளானார்.
இந்தத் துயரச் சம்பவம் மாலை சுமார் 5:40 மணியளவில் Avenue de la Volière மற்றும் Boulevard des Rossignols சந்திப்பில் நிகழ்ந்தது.
சம்பவ இடத்திலேயே சிறுமி உயிரிழந்ததை லாவல் பொலிஸார் உறுதிப்படுத்தினர்.
பேருந்து ஓட்டுநராக இருந்த பெண், விபத்தால் ஏற்பட்ட மன அதிர்ச்சிக்குச் சிகிச்சை அளிப்பதற்காக மருத்துவமனைக்குக் கொண்டு செல்லப்பட்டுள்ளமை குறிப்பிடத்தக்கது.
