மொன்றியல் நகரில் நடைபெறவுள்ள ‘பிரைட்’ (Pride) திருவிழா அணிவகுப்பில் பங்கேற்க முன்னர் தடை விதிக்கப்பட்ட இரண்டு யூத 2SLGBTQ+ குழுக்கள் மீண்டும் அனுமதிக்கப்பட்டுள்ளன.
இந்த முடிவு, பலத்த சர்ச்சைகள் மற்றும் பிரைட் அமைப்பின் தலைவர் ராஜினாமா செய்த ஒரு வாரத்திற்குப் பிறகு எடுக்கப்பட்டுள்ளது.
மொன்றியல் பிரைட் திருவிழாவை நடத்தும் Fierté Montréal அமைப்பு, தனது இணையதளத்தில் வெளியிட்ட அறிக்கையில், அனைத்து சமூகத்தினரும் தங்கள் நிகழ்வுகளில் கலந்துகொள்ள மீண்டும் அழைப்பு விடுப்பதாகத் தெரிவித்துள்ளது.
“எந்தவொரு மதத்தையும் சார்ந்த சமூகம் ஆனது, பாதுகாப்பான சூழலில் தாங்கள் அங்கு வரவேற்கப்பட்டதாக உணர வேண்டும் என்பதே Fierté Montréal- அமைப்பின் விருப்பம்” என்று அந்த அறிக்கையில் கூறப்பட்டுள்ளது.
இந்த முடிவிற்காக, யூத சமூகத்தினரிடமும், குறிப்பாக 2SLGBTQIA+ சார்ந்த யூத உறுப்பினர்களிடமும் மன்னிப்பு கோருவதாகவும் Fierté Montréal அமைப்பு தெரிவித்துள்ளது.
