டோஃபினோ (Tofino) பகுதியில் நவீன வசதிகளுடன் கூடிய புதிய மருத்துவமனை அமைக்கும் திட்டத்தை பிரிட்டிஷ் கொலம்பியா மாகாண அரசு நிராகரித்துள்ளது.
இந்த முடிவை எதிர்த்துப் போராடப் போவதாக டோஃபினோ மேயர் டான் லா (Dan Law) அறிவித்துள்ளார்.
சுமார் 70 ஆண்டுகளுக்கு முன்பு (1954-இல்) 400 பேருக்குச் சேவை செய்யும் வகையில் கட்டப்பட்ட தற்போதைய மருத்துவமனை, இப்போது மிகவும் சிதிலமடைந்துள்ளது.
இங்கு வசிக்கும் 2,500-க்கும் மேற்பட்ட மக்கள் மற்றும் ஆயிரக்கணக்கான சுற்றுலாப் பயணிகளுக்காக, ‘கேம்பஸ் ஆஃப் கேர்’ (Campus of Care) என்ற பெயரில் அதிநவீன மருத்துவமனை கட்டத் திட்டமிடப்பட்டது.
ஆனால், இந்தத் திட்டத்திற்கு அதிக நிதி செலவாகும் என்றும், அடிப்படை அவசரச் சிகிச்சை வசதிகளைத் தவிர மற்ற கூடுதல் சேவைகள் தேவையில்லை என்றும் கூறி, மாகாண உட்கட்டமைப்பு அமைச்சகம் திட்டத்தை நிராகரித்துள்ளது.
