கியூபெக் மாகாணத்தின் முன்னணி தொழிலாளர் கூட்டமைப்பான கியூபெக் தொழிலாளர் சம்மேளனத்தின் மொன்றியல் வட்டாரப் பேரவையின் தலைவர் வின்சென்ட் லெக்லெர்க் (Vincent Leclerc), தனது பதவியை இராஜினாமா செய்துள்ளார்.
கன்சர்வேடிவ் கட்சி சட்டமன்ற உறுப்பினர் எலோயிஸ் கூலோம்பே (Éloise Coulombe) குறித்து துஷ்பிரயோகப் படம் ஒன்றை வெளியிட்டு சர்ச்சையில் சிக்கியதைத் தொடர்ந்தே, அவர் தனது பதவியை விட்டு விலகும் முடிவினை மேற்கொண்டுள்ளார்.
குறித்த துஷ்பிரயோகப் படம் செயற்கை நுண்ணறிவு தொழில்நுட்ப உதவியுடன் வரையப்பட்டுள்ளதாகக் கூறப்படுகின்றது.
கியூபெக் கன்சர்வேடிவ் கட்சியின் தலைவர் எரிக் டுஹெய்ம் (Éric Duhaime) இது குறித்து வெளியிட்ட கண்டனத்தைத் தொடர்ந்து, இந்த நடவடிக்கை முன்னெடுக்கப்பட்டுள்ளது.
எலோயிஸ் கூலோம்பே உடைய உருவத்தை அவமதிக்கும் வகையிலும், அவரது முகத்தில் காயம் இருப்பது போன்றும் செயற்கை நுண்ணறிவு மூலம் உருவாக்கப்பட்ட சித்திரம் சமூக வலைத்தளங்களில் பகிரப்பட்டிருந்தது.
இந்தச் செயல் அரசியல் வட்டாரங்களில் கடும் கொந்தளிப்பை ஏற்படுத்தியது.
கண்டனங்களை எதிர்கொண்ட வின்சென்ட் லெக்லெர்க், தனது செயலுக்கான பொறுப்பை ஏற்று மொன்றியல் வட்டாரத் தலைவர் பதவியிலிருந்து விலகுவதாக அறிவித்த்துள்ளார்.
