பிரதமர் மார்க் கார்னியைச் சந்தித்துப் பேச கியூபெக் மாகாண முதல்வர் பியூ சியர்ஸ்-பியர் பிளமொண்டன் (Paul St-Pierre Plamondon) சம்மதித்துள்ளார்.
எனினும், இந்தச் சந்திப்பு கியூபெக் நகரிலேயே (Quebec City) நடைபெற வேண்டும் என அவர் நிபந்தனை விதித்துள்ளார்.
மொன்றியல் நகரில் அண்மையில் நடைபெற்ற கனடா – ஐரோப்பிய யூனியன் உச்சிமாநாட்டை கியூபெக் மாகாண முதல்வர் பிளமொண்டன் புறக்கணித்திருந்தார்.
உச்சிமாநாட்டில் கியூபெக்கிற்கு உரிய அந்தஸ்து வழங்குவதைத் பிரதமர் மார்க் கார்னி மறுத்ததோடு, வரவேற்பு நிகழ்ச்சியை ஏற்பாடு செய்யவும் கியூபெக் அரசை அனுமதிக்காமையுமே இந்தப் புறக்கணிப்புக்குக் காரணம் என, பிளமொண்டன் தரப்பில் தெரிவிக்கப்பட்டது.
இதனால் ஏற்பட்ட முரண் நிலையைத் தொடர்ந்து, தற்போது இரு தலைவர்களுக்கும் இடையே சந்திப்பு ஒன்று நிகழவுள்ளமை குறிப்பிடத் தக்கது.
