கியூபெக் நகரில் சுமார் 20 ஆண்டுகளுக்கு முன்னர் இடம்பெற்ற தொடர்ச்சியான ஆயுதம் தாங்கிய பாலியல் தாக்குதல்கள் மற்றும் கடத்தல் சம்பவங்கள் தொடர்பில் 51 வயதுடைய நபர் ஒருவர் கியூபெக் நகர பொலிஸாரால் கைது செய்யப்பட்டுள்ளார்.
கட்டிநோ நகருக்கு வடக்கே உள்ள போமன் பகுதியைச் சேர்ந்த ஜோனாதன் பொய்ரியர் (Jonathan Poirier) என்பவரே இவ்வாறு கைது செய்யப்பட்டுள்ளார்.
இவர் மீது மொத்தம் 18 குற்றச்சாட்டுகள் சுமத்தப்பட்டுள்ளன.
2003 ஆம் ஆண்டு ஏப்ரல் மாதம் முதல் 2004 ஆம் ஆண்டு ஜூலை மாதம் வரையிலான காலப்பகுதியில், சிறாார்கள் மற்றும் பெரியவர்கள் உட்பட 9 பேருக்கு எதிராக இந்த குற்றச் செயல்கள் புரியப்பட்டுள்ளதாகப் பொலிஸாரின் குற்றப்பத்திரிகையில் தெரிவிக்கப்பட்டுள்ளது.
ஆயுதம் தாங்கிய பாலியல் தாக்குதல், பாலியல் வன்கொடுமை, கடத்தல், கொலைப் அச்சுறுத்தல் மற்றும் உடற்காயங்களை ஏற்படுத்துவதாக அச்சுறுத்தல் விடுத்தமை உள்ளிட்ட பல கடுமையான குற்றச்சாட்டுகள் இவர் மீது சுமத்தப்பட்டுள்ளன.
அத்துடன், 2004 ஆம் ஆண்டு ஜூலை மாதத்தில் சிறுவர் பாலியல் துஷ்பிரயோகப் பொருட்களை உருவாக்கியதாகவும் இவர் மீது மேலதிகக் குற்றச்சாட்டுக் சுமத்தப்பட்டுள்ளது.
கியூபெக் நகர பொலிஸாரின் பாலியல் குற்றங்கள் மற்றும் குடும்பக் குற்றப் பிரிவு, மாகாணப் பொலிஸார் மற்றும் தடயவியல் மருத்துவ ஆய்வகம் ஆகியவை இணைந்து மேற்கொண்ட தீவிர விசாரணைகளின் பின்னரே இந்த நடவடிக்கை மேற்கொள்ளப்பட்டுள்ளது.
