பிரிட்டிஷ் கொலம்பியா மாகாண முதல்வர் David Eby தனது முதல் அதிகாரபூர்வ சீன வர்த்தகப் பயணத்தை மேற்கொள்ள உள்ளார்.
இந்தப் பயணத்தின் போது, பிரிட்டிஷ் கொலம்பியாவின் மரவளப் பொருட்கள் மற்றும் திரவ இயற்கை எரிவாயு எனப்படும் LNG துறை உள்ளிட்ட எரிசக்தி வாய்ப்புகளை சீன சந்தையில் அறிமுகப்படுத்துவது முக்கிய நோக்கமாக இருக்கும் என முதல்வர் தெரிவித்துள்ளார்.
சீனா, பி.சி மாகாணத்தின் இரண்டாவது பெரிய வர்த்தக கூட்டாளி என குறிப்பிட்டுள்ள எபி, அமெரிக்காவைத் தாண்டி சர்வதேச வர்த்தக உறவுகளை விரிவுபடுத்தி, அடுத்த பத்து ஆண்டுகளில் மாகாணத்தின் வெளிநாட்டு வர்த்தகத்தை இரட்டிப்பாக்கும் இலக்கு இருப்பதாக கூறியுள்ளார்.
அமெரிக்காவின் வரி நடவடிக்கைகள் பிரிட்டிஷ் கொலம்பியாவின் மரவளத் துறையை கடுமையாக பாதித்துள்ளதாக தெரிவித்த அவர், சீனாவுடனான வர்த்தக உறவுகள் மூலம் பல வேலைவாய்ப்புகள் பாதுகாக்கப்படுவதாகவும் கூறினார்.
மேலும், கடலுணவு துறை உள்ளிட்ட பல பொருட்களுக்கு சீனா விதித்துள்ள வரிகள் நீக்கப்பட வேண்டும் எனவும் முதல்வர் டேவிட் எபி எதிர்பார்ப்பு தெரிவித்துள்ளார்.
