புகழ்பெற்ற கினோ பூங்காவில் (Gatineau Park) அமைந்துள்ள லாக் பிலிப் (Lac Philippe) சுற்றுலா முகாம், நீண்ட இடைவேளைக்குப் பிறகு வரும் ஜூன் மாதம் மீண்டும் பொதுமக்களுக்காகத் திறக்கப்படவுள்ளது.
சுமார் 30 மில்லியன் டொலர் செலவில் மேற்கொள்ளப்பட்ட பிரம்மாண்ட புனரமைப்புப் பணிகளுக்காக கடந்த மூன்று ஆண்டுகளாக மூடப்பட்டிருந்த இந்த முகாம், எதிர்வரும் ஜூன் 12-ஆம் திகதி முதல் பயணிகளை வரவேற்கத் தயாராகிவிட்டது.
2022-ஆம் ஆண்டு தொடங்கப்பட்ட இந்தப் பணிகள் ஓராண்டில் முடியும் என எதிர்பார்க்கப்பட்ட நிலையில், தொழிலாளர் தட்டுப்பாடு காரணமாக மூன்று ஆண்டுகள் நீடித்தது.
தற்போது நவீன வசதிகளுடன் இந்தத் தளம் புதுப்பிக்கப்பட்டுள்ளது. பழைய வசதிகளை மாற்றி, சுற்றுலாப் பயணிகளுக்கு உலகத்தரம் வாய்ந்த அனுபவத்தை வழங்கப் பல புதிய அம்சங்கள் இங்கு சேர்க்கப்பட்டுள்ளன.
சுமார் 4,000-க்கும் மேற்பட்ட புதிய மரக்கன்றுகள் நடப்பட்டு, அந்தப் பகுதி பசுமையாக மாற்றப்பட்டுள்ளதாக தெரிவிக்கப்பட்டுள்ளது.
