கனடாவில் கடந்த மார்ச் மாதத்திற்கான பணவீக்க விகிதம் (Inflation Rate) 2.4 சதவீதமாக உயர்ந்துள்ளதாக புள்ளிவிபரவியல் திணைக்களம் (Statistics Canada) இன்று அறிவித்துள்ளது.பிப்ரவரி மாதம் 1.8 சதவீதமாக இருந்த பணவீக்கம், மார்ச் மாதத்தில் எரிபொருட்களின் விலை வரலாறு காணாத அளவில் உயர்ந்ததன் காரணமாக இந்த நிலையை எட்டியுள்ளது.
மத்திய கிழக்கில் நிலவும் போர்ச் சூழல் மற்றும் ஹார்முஸ் நீரிணை (Strait of Hormuz) மூடப்பட்டதால் உலகளவில் மசகு எண்ணெய் விநியோகம் பாதிக்கப்பட்டுள்ளது.கடந்த ஆண்டுடன் ஒப்பிடுகையில் எரிசக்தி விலைகள் 3.9 சதவீதம் அதிகரித்துள்ளன. இது நாட்டின் பிற போக்குவரத்துச் செலவுகளையும் வெகுவாக உயர்த்தியுள்ளது. எரிபொருள் மட்டுமன்றி, அன்றாட உணவுப் பொருட்களின் விலைகளும் சராசரி பணவீக்கத்தை விட அதிகளவில் உயர்ந்துள்ளன.
கடைகளில் விற்கப்படும் உணவுப் பொருட்களின் விலை 4.4 சதவீதம் அதிகரித்துள்ளது. இந்த மாத இறுதியில் கனடிய மத்திய வங்கி தனது அடுத்த வட்டி வீத முடிவை அறிவிக்க உள்ளமை குறிப்பிடத்தக்கது.
