நியூயோர்க்கில் நிகழ்ந்த ஏர் கனடா விமான விபத்தில் இருந்து, பிரபல ‘Dancing with the Stars’ தொலைக்காட்சி நிகழ்ச்சியின் கலைஞர் சார்லோட் ஜோர்கென்சன் (Charlotte Jørgensen) உயிர் தப்பியுள்ளமை தெரியவந்துள்ளது.
கடந்த மார்ச் மாதம் 22-ஆம் திகதி, மொன்றியலில் இருந்து நியூயார்க் நோக்கிச் சென்ற ஏர் கனடா எக்ஸ்பிரஸ் விமானம், தரையிறங்கும் போது ஓடுதளத்தில் நின்றிருந்த தீயணைப்பு வாகனத்துடன் மோதி விபத்துக்குள்ளானது.
இந்த விபத்தில் விமானத்தின் கப்டன் அன்டோயின் ஃபாரஸ்ட் மற்றும் துணை விமானி மெக்கன்சி குந்தர் ஆகிய இரு இளம் விமானிகளும் உயிரிழந்தனர்.
விமானத்தில் இருந்த 72 பயணிகள் மற்றும் 4 ஊழியர்களில், கலைஞர் சார்லோட் ஜோர்கென்சன் (Charlotte Jørgensen) உட்பட 74 பேர் உயிர் பிழைத்துள்ளனர்.
இந்த நிலையில், அனைவரும் உயிர் வாழ வேண்டும் என்பதற்காக அந்த இரண்டு இளம் விமானிகளும் தங்களது உயிரைத் தியாகம் செய்துள்ளனர் என, கலைஞர் சார்லோட் ஜோர்கென்சன் (Charlotte Jørgensen) தெரிவித்துள்ளார்.
தனது சமூக வலைதளப் பக்கத்தில் இட்ட பதிவிலேயே அவர் இதனைக் குறிப்பிட்டுள்ளார்.
விபத்து நடந்த அன்று உடலில் பாய்ந்த ‘அட்ரினலின்’ வேகத்தால் தனக்கு வலி எதுவும் தெரியவில்லை என்றும், ஆனால் தற்போது உடல் ரீதியாகவும் மன ரீதியாகவும் கடும் பாதிப்புகளை உணர்வதாகவும் அவர் குறிப்பிட்டுள்ளார்.
