ஒன்ராறியோ மாகாண சபைக்கான முன்கூட்டிய தேர்தலில் புரோகிரசிவ் கன்சர்வேடிவ் (PC), லிபரல் மற்றும் நியூ டெமாக்ராடிக் கட்சி (NDP) சார்பாக ஐந்து தமிழ் வேட்பாளர்கள் போட்டியிடுகின்றனர்.
குறிப்பாக, ஸ்கார்பரோ வடக்கு தொகுதியில் இரு தமிழ்ப் பெண் வேட்பாளர்கள் முன்னிலை பெறுகின்றனர். அதேநேரம், தற்போதைய PC கட்சி சட்டமன்ற உறுப்பினர்களான லோகன் கணபதி மற்றும் விஜய் தணிகாசலம் ஆகியோர் தங்கள் தொகுதிகளில் வெற்றி பெறுவதற்கான வாய்ப்புகள் அதிகமாக உள்ளதாக கருதப்படுகிறது.
முக்கிய வேட்பாளர்கள் மற்றும் தொகுதிகள் – புரோகிரசிவ் கன்சர்வேடிவ் கட்சி (PC):
லோகன் கணபதி (பதவியிலுள்ள MPP) மற்றும் விஜய் தணிகாசலம் (பதவியிலுள்ள MPP): இவர்கள் தற்போதைய மாகாண சட்டமன்ற உறுப்பினர்களாக உள்ளனர். கருத்து கணிப்பாளர்கள் இவர்களின் வெற்றி வாய்ப்புகளை “பிரகாசமானவை” என மதிப்பிடுகின்றனர்.
ஜூட் அலோசியஸ்: ஸ்கார்பரோ-கில்ட்வுட் தொகுதியில் PC கட்சியின் சார்பாக முதன்முறையாக போட்டியிடுகிறார்.
ஒன்ராறியோ லிபரல் கட்சி
அனிதா ஆனந்த ராஜன்: ஸ்கார்பரோ வடக்கு தொகுதியில் லிபரல் கட்சியின் சார்பாக போட்டியிடும் இவர், கடந்த தேர்தலில் இதே தொகுதியில் போட்டியிட்டார்.
தட்சனா நவநீதன் ஸ்கார்பரோ வடக்கு தொகுதியில் NDP சார்பாக போட்டியிடும் இவர், 2023 – இல் நடந்த ஸ்கார்பரோ – கில்ட்வுட் இடைத்தேர்தலில் NDP வேட்பாளராக பங்கேற்றிருந்தார்.
ஒன்ராறியோ மாகாண சபை செவ்வாய்க்கிழமை, ஜனவரி 28-இல் கலைக்கப்பட்டு, பிப்ரவரி 27-இல் முன்கூட்டிய தேர்தல் நடைபெற உள்ளது. PC கட்சியின் ஆதிக்கத்தை சவாலாக்கும் வகையில், ஸ்கார்பரோ வடக்கு தொகுதியில் அனிதா ஆனந்த ராஜன் (லிபரல்) மற்றும் தட்சனா நவநீதன் (NDP) ஆகியோரின் போட்டி குறிப்பிடத்தக்கது.
PC கட்சியின் லோகன் கணபதி மற்றும் விஜய் தணிகாசலம் ஆகியோர் தங்கள் தொகுதிகளை தக்கவைத்துக்கொள்ளும் வாய்ப்பு அதிகம் என எதிர்பார்க்கப்படுகிறது. இதன் மூலம், ஒன்ராறியோவில் PC கட்சியின் வலுவான அரசியல் செல்வாக்கு பிரதிபலிக்கிறது. மறுபுறம், ஸ்கார்பரோ வடக்கு மற்றும் ஸ்கார்பரோ- கில்ட்வுட் தொகுதிகளில் தமிழ் வேட்பாளர்களின் போட்டி, ஒன்ராறியோவில் தமிழ் சமூகத்தின் அரசியல் ஈடுபாடு வளர்ந்து வருவதை எடுத்துக்காட்டுகிறது.
