அமெரிக்காவின் வரி அச்சுறுத்தல்கள் காரணமாக கனடாவும் ஐரோப்பிய ஒன்றியமும் 2017 இல் கையெழுத்திட்ட வர்த்தக ஒப்பந்தமான CETA எனப்படும் விரிவான பொருளாதார மற்றும் வர்த்தக ஒப்பந்தத்தை நடைமுறைப்படுத்துவதில் அதிக ஆர்வமாக இருப்பதாக கனடாவுக்கான ஜேர்மனியின் தூதுவர் ஜோர்வன் பெல்மேன் தெரிவித்துள்ளார்.
பசுமை ஆற்றல் போன்ற துறைகளில் இரு நாடுகளும் முன்னேற விரும்புவதால், வர்த்தகத்தை அதிகரிப்பதில் கனேடிய பல்கலைக்கழகங்கள் பெரும் பங்கு வகிக்கின்றன என்று அவர் மேலும் கூறியுள்ளார்.
கனடா 2022 ஆம் ஆண்டு ஹைட்ரஜன் ஏற்றுமதி செய்வதற்காக ஜேர்மன் உடன் செய்துகொண்ட ஒப்பந்தம் மற்றும் ஜேர்மனில் இல் நடைபெற்ற பல்வேறு கண்காட்சிகளில் கனடா கலந்து கொண்டமை போன்றன கனடா – ஜேர்மனி வர்த்தக உறவை மேலும் வலுப்படுத்தியுள்ளது.
கனடிய நிறுவனங்களுக்கு புதிய வழங்குனர்கள், புதிய சிந்தனையாளர்களை சந்திக்க இது ஓர் வாய்ப்பாக அமைவதுடன் செயற்கை நுண்ணறிவு குவாண்டம் தொழில்நுட்பம் மற்றும் ரோபாட்டிக்ஸ் போன்றவற்றைக் கற்றுக்கொள்வதுடன் ஜேர்மனியின் பரந்த வாகன மற்றும் இயந்திரத் துறைகளில் உள்ள நிறுவனங்களுடன் கூட்டுச்சேரவும் சிறந்த சந்தர்ப்பமாக அமையும் என பொருளாதார நிபுணர்கள் கூறுகின்றனர்.
இந்த மாத தொடக்கத்தில், ஜேர்மனியின் இராஜதந்திர பணிகள் மற்றும் வர்த்தக நிறுவனம் வெளியிட்ட கனடா -ஜேர்மனி கூட்டறிக்கையில் கனடாவுடன் அதிக வர்த்தகம் மற்றும் முதலீடுகளை செய்வதற்கு பெர்லின் விரும்புவதாக தெரிவிக்கப்பட்டுள்ளது.
