கியூபெக்கின் லாரென்ஷியன்ஸ் (Laurentians) பகுதியில் அமைந்துள்ள ஆர்சம்பால்ட் சிறைச்சாலையின் (Archambault Institution) குறைந்தபட்ச பாதுகாப்புப் பிரிவிலிருந்து 69 வயதான லோரி பில் ஜெர்மா (Lori Bill Germa) என்ற கொலைக் குற்றவாளி தப்பிச் சென்றுள்ளார்.
சனிக்கிழமை இரவு கைதிகள் எண்ணிக்கையின்போது ஜெர்மா இல்லாதமை கண்டுபிடிக்கப்பட்டதாக கனடா சீர்திருத்த சேவை (Correctional Service Canada) உறுதிப்படுத்தியுள்ளது.
இவர் முதல் நிலை கொலைக் குற்றத்திற்காக தண்டனை பெற்று வருகிறார்.
கடந்த சில வாரங்களில் ஆர்சம்பால்ட் சிறையிலிருந்து தப்பிக்கும் இரண்டாவது கொலைக் குற்றவாளி ஜெர்மா ஆவார்.
இதற்கு முன்னர், ஜூன் 22 அன்று சக கைதியான ரிச்சர்ட் பிளூர்டே (Richard Plourde) தப்பிச் சென்றார்.
ஆனால் அவர் அடுத்த நாளே கியூபெக் மாகாண காவல்துறையினரால் கைது செய்யப்பட்டார்.
கியூபெக் மாகாண காவல்துறையினர் ஜெர்மாவைப் பற்றிய தகவல்கள் தெரிந்தால் உடனடியாக அதிகாரிகளுக்குத் தெரிவிக்குமாறு பொதுமக்களை வலியுறுத்தியுள்ளனர்.
பொதுமக்கள் அவரை நெருங்க வேண்டாம் எனவும், அவரது இருப்பிடம் குறித்து அறிந்தால் உடனடியாக காவல் துறைக்கு தகவல் அளிக்குமாறும் கேட்டுக்கொள்ளப்பட்டுள்ளனர்.
