கனேடிய பாஸ்போர்ட் வைத்திருப்பவர்கள் இன்று முதல் விசா இன்றி சீனாவுக்குப் பயணம் செய்யலாம் என சீன அரசு அறிவித்துள்ளது. கனேடியர்கள் சீனாவுக்குள் நுழைந்த நாளில் இருந்து 30 நாட்கள் வரை தங்கியிருக்கலாம் என அந்த அறிவிப்பில் தெரிவிக்கப்பட்டுள்ளது.
சுற்றுலா, வணிகம் (Business), உறவினர்களைச் சந்தித்தல் மற்றும் பிற நாடுகளுக்குச் செல்லும் வழியில் சீனாவில் தங்குபவர்களுக்கு (Transit) இந்தச் சலுகை பொருந்தவுள்ளது.
கடந்த ஜனவரி மாதம் கனேடிய பிரதமர் மார்க் கார்னி பெய்ஜிங்கிற்குச் சென்று சீன அதிபர் ஜி ஜின்பிங்குடன் நடத்திய பேச்சுவார்த்தையின் பலனாக இந்த முடிவு எடுக்கப்பட்டுள்ளது.
இரு நாடுகளுக்கும் இடையே நிலவி வந்த கசப்பான உணர்வுகளைக் குறைத்து, வர்த்தகத்தையும் சுற்றுலாவையும் மேம்படுத்துவதே இதன் முக்கிய நோக்கமாகும். கனடாவின் இரண்டாவது பெரிய வர்த்தகப் பங்காளராக சீனா உள்ளமை குறிப்பிடத்தக்கது.
