நாட்டில் கடந்த 60 ஆண்டுகளாகப் புகழ்பெற்ற அடையாளமாகத் திகழ்ந்த ‘ஸ்டீவ்ஸ் மியூசிக் ஸ்டோர்’ (Steve’s Music Store), ஒன்டாரியோ மற்றும் கியூபெக் மாகாணங்களில் உள்ள தனது பெரும்பாலான நேரடி விற்பனை நிலையங்களை மூடுவதாக அறிவித்துள்ளது.
இனி இணையவழி வர்த்தகத்தில் மட்டுமே அதிக கவனம் செலுத்தப்போவதாக, அந்த நிறுவனம் தெரிவித்துள்ளது.
இசைக்கருவிகள் விற்பனையில் ஒரு சகாப்தமாக விளங்கிய இந்த நிறுவனம், தற்போது நிலவும் கடும் போட்டி மற்றும் மாறிவரும் மக்களின் வாங்கும் பழக்கம் காரணமாக இந்த முடிவை எடுத்துள்ளது.
டொராண்டோ, ஓட்டவா மற்றும் மொண்ட்ரியல் பகுதிகளில் அமைந்துள்ள 5 கிளைகளில், நான்கு கிளைகள் மூடப்படுகின்றன.
மொண்ட்ரியலில் உள்ள செயின்ட் கேத்தரின் (Ste-Catherine) வீதியில் அமைந்துள்ள முதன்மைக் கிளை மட்டுமே இனி நேரடியாக இயங்கும் எனத் தெரிவிக்கப்பட்டுள்ளது.
