நாட்டின் முக்கிய சுற்றுச்சூழல் பாதுகாப்பு அமைப்பான புரூஸ் டிரெயில் பாதுகாப்பு நிறுவனம் (Bruce Trail Conservancy – BTC), நீண்ட காலமாக மூடியிருந்த தாலிஸ்மான் மலை ரிசார்ட் (Talisman Mountain Resort) நிலத்தை வாங்கியுள்ளது.
சுமார் 120 ஏக்கருக்கும் அதிகமான இந்த நிலத்தை அபிவிருத்தி திட்டங்களிலிருந்து நிரந்தரமாகப் பாதுகாப்பதே இதன் முக்கிய நோக்கம் ஆகும்.
டொரண்டோவுக்கு வடமேற்கே சுமார் 150 கிலோமீட்டர் தொலைவில் அமைந்துள்ள பீவர் பள்ளத்தாக்கில் (Beaver Valley) நடந்த இந்த காணி கையகப்படுத்தல் செயற்பாடானது, யுனெஸ்கோவின் நயாகரா எஸ்கார்ட்மென்ட் உயிர்ச்சூழல் அமைப்பின் (UNESCO Niagara Escarpment Biosphere) ஒரு முக்கிய பகுதியை நிரந்தரப் பாதுகாப்பின் கீழ் கொண்டு வந்துள்ளது.
இதன் மூலம், பல ஆண்டுகளாக பெரும் அச்சுறுத்தலாக இருந்த குடியிருப்புகள் மற்றும் வணிகரீதியான கட்டுமானத் திட்டங்களிலிருந்து இந்த சுற்றுச்சூழல் பகுதி முழுமையாகக் காப்பாற்றப்பட்டுள்ளமை குறிப்பிடத் தக்கது.
