மரியாதைக் குறைவு மற்றும் எதிர்வினை அரசியல் ஆகியவை உலகளாவிய ஒற்றுமையை அச்சுறுத்துவதாகவும், கனடா-அமெரிக்கா முதலான இரு நாடுகளுக்கும் இடையேயான நீண்டகால வர்த்தக உறவைச் சீர்குலைப்பதாகவும் நீதித்துறை அமைச்சர் சீன் ஃப்ரேசர் (Sean Fraser)
தெரிவித்துள்ளார்.
ஹாலிஃபாக்ஸ் சர்வதேசப் பாதுகாப்பு மன்றத்தில் (Halifax International Security Forum) ஆற்றிய உரையின் போதே, அவர் இதனைத் தெரிவித்தார். முன்னாள் அமெரிக்க அதிபர் டொனால்ட் டிரம்ப் பெயரை நேரடியாகக் குறிப்பிடாமல், அவரது சர்ச்சைக்குரிய கருத்துக்களைச் சுட்டிக்காட்டியே, நீதித்துறை அமைச்சர் சீன் ஃப்ரேசர் உரையாற்றினார்.
கனடா-அமெரிக்கா முதலான இரு நாடுகளுக்கும் இடையேயான "நீண்டகால வர்த்தக உறவில் ஏற்பட்டுள்ள சீர்குலைவு எல்லைக்கு இருபுறங்களிலும் கவலையை ஏற்படுத்துவதாக அவர் கூறினார். குறுகிய அரசியல் ஆதாயங்களுக்காகப் பிராந்திய மக்களை ஈர்க்கும் வகையிலான எதிர்வினை அரசியலைப் பின்பற்றுவது, ஒரு வரலாற்று உறவை உடைக்கக்கூடும் என்றும் நீண்ட காலத்திற்குச் சேதத்தை ஏற்படுத்தும் என்றும் நீதித்துறை அமைச்சர் சீன் ஃப்ரேசர் எச்சரித்தார்.
’கனடாவை 51வது மாநிலம் என்று டொனால்ட் டிரம்ப் குறிப்பிட்ட சர்ச்சை’ குறித்துப் பேசுகையில், அத்தகைய கருத்துக்கள் அனைத்து அரசியல் கட்சிகளைச் சேர்ந்த கனடியர்களையும் கோபப்படுத்தியதாக ஃப்ரேசர் தனது உரையில் சுட்டிக்காட்டினார்.
