பிரிட்டிஷ் கொலம்பியா மாகாண மதுபானக் கடைகளில் இருந்து அமெரிக்காவில் தயாரிக்கப்பட்ட அனைத்து மதுபானங்களையும் நீக்குவதாக முதல்வர் டேவிட் எபி (David Eby) அறிவித்துள்ளார்.
அமெரிக்காவினால் கனடியப் பொருட்களுக்கு வரி விதிக்கப்பட்டமை மற்றும் அமெரிக்க ஜனாதிபதி டொனால்ட் டிரம்பின் கனடிய எதிர்ப்பு நிலைப்பாடுகளுக்கு பதிலடியாக இந்த நடவடிக்கை எடுக்கப்பட்டுள்ளது.
இதேவேளை குடியரசு கட்சியின் கட்டுப்பாட்டில் உள்ள red states எனப்படும் மாநிலங்களில் தயாரிக்கப்படும் மதுபானங்களுக்கு பிரிட்டிஷ் கொலம்பியா இதற்க்கு முன்னதாக தடை விதித்திருந்தது.
தற்போது அனைத்து அமெரிக்க மதுபானங்களையும் நீக்க முடிவு செய்துள்ளதாக பிரிட்டிஷ் கொலம்பிய அரசாங்கம் தெரிவித்துள்ளது.
மக்கள் அமெரிக்க தயாரிப்புகளைப் பார்ப்பதே வேண்டாம் என்பதே அவர்களின் உணர்வு,” என எபி குறிப்பிட்டார். மதுபான விநியோக கிளைக்கு அமெரிக்க மதுபானங்களை கொள்வனவு செய்வதை உடனடியாக நிறுத்த ஆணை பிறப்பிக்கப்பட்டுள்ளது. அலமாரிகளில் இருந்து ஏற்கனவே உள்ள இருப்புகளை அகற்றியுள்ளதாகவும் அறிவித்தார்.
