பிரதமர் மார்க் கார்னியின் (Mark Carney) சிறுபான்மை லிபரல் அரசாங்கம் தனது பட்ஜெட் மீதான முதல் நம்பிக்கை வாக்கெடுப்பில் வெற்றிபெற்றுள்ளது.
இந்த பட்ஜெட்டை நிராகரிக்கக் கோரி எதிர்க்கட்சியான கன்சர்வேடிவ் கட்சி சமர்ப்பித்த ஒரு துணைத் திருத்தத்தின் மீதான இந்த முக்கியமான வாக்கெடுப்பிலேயே, லிபரல் கட்சி அரசாங்கம் வெற்றி பெற்றுள்ளது.
பிளாக் கியூபெக்வாஸ் மற்றும் புதிய ஜனநாயகக் கட்சி (NDP) உறுப்பினர்களின் ஆதரவுடனேயே, இந்த வாக்கெடுப்பு வெற்றியை பிரதமர் மார்க் கார்னியின் அரசாங்கம் பெற்றுள்ளது.
முதல் வாக்கெடுப்பில் அரசாங்கம் வெற்றிபெற்ற போதும், விவாதங்களின் பின்னர் நடைபெறவுள்ள இறுதி வாக்கெடுப்பில் பட்ஜெட் நிறைவேற்றப்படும் என்பதற்கு உத்தரவாதம் இல்லாத சூழ்நிலையே நீடிக்கின்றது.
