அமெரிக்கப் பொருட்கள் மற்றும் பயணங்கள் மீதான கனடியர்களின் புறக்கணிப்பு தொடர்ந்து வலுவாக உள்ளது.
“கனடாவில் வாங்குவோம்” (Buy Canadian) என்ற இயக்கம் பெரும் வரவேற்பைப் பெற்றுள்ளது.
அமெரிக்காவுடனான வர்த்தகப் போர் மற்றும் அமெரிக்க ஜனாதிபதி டொனால்ட் டிரம்ப்பின் கருத்துக்களால் தூண்டப்பட்ட கனேடிய மக்கள், “கனடாவில் வாங்குவோம்” இயக்கத்துக்கு ஆதரவு அளிக்கின்றனர்.
இது உள்நாட்டு வணிகங்களுக்கு அபாரமான விற்பனை அதிகரிப்பையும், அமெரிக்காவுக்கான கனடியர்களின் பயணத்தில் குறிப்பிடத்தக்க வீழ்ச்சியையும் ஏற்படுத்தியுள்ளது.
ஒட்டாவாவில் உள்ள “மேக்கர் ஹவுஸ்” (Maker House) என்ற கனேடிய தயாரிப்புகளை மட்டுமே விற்கும் பரிசுப் பொருள் கடையில், விற்பனை வரலாறு காணாத அளவில் உயர்ந்துள்ளது.
பிப்ரவரி மாதம், அமெரிக்க ஜனாதிபதி டிரம்ப் கனேடியப் பொருட்கள் மீது வரிகளை விதிக்கப்போவதாக முதன்முதலில் அறிவித்தபோது, மேக்கர் ஹவுஸில் விற்பனை 150 சதவீதம் அதிகரித்தது.
அதன்பிறகு, விற்பனை தற்போது 80 சதவீதம் அதிகரித்துள்ளதுடன் கனடா தினத்திற்கு முந்தைய வாரத்தில் கிட்டத்தட்ட இருமடங்காக உயர்ந்ததுள்ளமை குறிப்பிடத்தக்கது.
