கனடாவின் முதல் விண்வெளி வீரரும், முன்னாள் லிபரல் கட்சி நாடாளுமன்ற உறுப்பினரும், அமைச்சருமான மார்க் கார்னோ தனது 76 ஆவது வயதில் காலமானதாக அறிவிக்கப்பட்டுள்ளது.
கனடாவின் வரலாற்றில் ஒரு முக்கிய மைல்கல்லை எட்டிய கார்னோ, 1984 இல் நாசா விண்வெளிப் பயணத்தில் கனடாவின் முதல் விண்வெளி வீரராகப் புகழ் பெற்றார்.
கியூபெக் நகரத்தைப் பிறப்பிடமாகக் கொண்ட மார்க் கார்னோ, ஒரு குறுகிய நோய்த்தொற்று காரணமாக அமைதியான முறையில் மரணமடைந்ததாக, அவரது குடும்பத்தினர் தெரிவிக்கின்றனர்.
அவரது மரணம் கனடா முழுவதும் ஆழ்ந்த சோகத்தை ஏற்படுத்தியுள்ளது.
1974 முதல் 1983 வரை கனடிய கடற்படையில் பணியாற்றிய மார்க் கார்னோ, கனடிய விண்வெளி நிறுவனத்தில் பல்வேறு பதவிகளை வகித்து, 2001 இன் பிற்பகுதியில் இருந்து 2005 வரை அதன் முதல் துணைத் தலைவராகவும் பின்னர் தலைவராகவும் பணியாற்றினார்.
2008 ஆம் ஆண்டில் லிபரல் கட்சியின் சார்பில் நாடாளுமன்ற உறுப்பினராகத் தேர்ந்தெடுக்கப்பட்டார்.
அத்துடன், முன்னாள் பிரதமர் ஜஸ்டின் ட்ரூடோவின் அமைச்சரவையில் முக்கியப் பதவிகளையும் வகித்தமை குறிப்பிடத்தக்கது.
