கனடாவின் மிகப்பெரிய மின்சார வாகன சந்தையான கியூபெக்கில், டெஸ்லா வாகனங்களின் விற்பனைப் பதிவுகள் 2025 ஆம் ஆண்டின் முதல் காலாண்டில் 90% சரிந்துள்ளன.
ஜனவரி 1 முதல் மார்ச் 31 வரை வெறும் 524 டெஸ்லா வாகனங்கள் மட்டுமே பதிவு செய்யப்பட்டுள்ளன.
இது முந்தைய காலாண்டில் பதிவான 5,097 வாகனங்களுடன் ஒப்பிடுகையில், இது மிகப்பெரிய வீழ்ச்சியாகக் கருதப்படுகின்றது.
மத்திய மற்றும் கியூபெக் மாகாணத்தின் மின்சார வாகன சலுகைத் திட்டங்கள் முதல் காலாண்டில் தற்காலிகமாக நிறுத்தப்பட்டன.
மேலும், அமெரிக்க ஜனாதிபதி டொனால்ட் டிரம்ப் விதித்த வரிகளுக்கு பதிலடியாக, கனடிய மத்திய அரசு அமெரிக்காவில் தயாரிக்கப்பட்ட மின்சார வாகனங்கள் மீது 25% வரியை விதித்துள்ளது.
இதுவும் டெஸ்லா வாகனங்களின் விற்பனையைப் பாதிப்பதாகக் கூறப்படுகிறது.
