கனடாவில் மன்னர் சார்ள்ஸின் புகழும் பிரபல்யமும் தற்போது கணிசமான அளவு அதிகரிப்பைப் பெற்றுள்ளன எனத் தெரிவிக்கப்பட்டுள்ளது.
அமெரிக்க ஜனாதிபதி டொனால்ட் டிரம்ப் கனடாவை அமெரிக்காவுடன் இணைத்து அதனை ’51வது மாகாணம்’ ஆக்குவதாகக் குறிப்பிட்ட கருத்துகளின் செல்வாக்கின் மத்தியிலும், மன்னர் சார்ள்ஸின் புகழும் பிரபல்யமும் உயர்வை எட்டியுள்ளமை முக்கியமானதாக அவதானிக்கப்பட்டுள்ளது.
கனேடிய நாடாளுமன்றத்தில் மன்னர் சார்ள்ஸ் ஆற்றிய வரலாற்றுச் சிறப்புமிக்க சிம்மாசன உரை மற்றும் அவருடைய கனேடிய வருகை ஆகியவை, தற்போது பிரிட்டிஷ் முடியுரிமையுடனான (Crown) உறவைப் பேணுவதற்கு குறிப்பிடத்தக்க அளவு, மக்களின் ஆதரவு அதிகரித்துள்ளதைக் காட்டுகின்றன.
மன்னரின் விஜயத்தின் பின்னர் கனேடியர்களிடையே தேசிய பெருமை உணர்வு வலுப்பெற்றுள்ளது எனத் தெரிவிக்கப்படுகின்றது.
