எதிர்வரும் பொதுத் தேர்தலில் கனடாவின் முக்கிய கட்சிகளில், ஒப்பீட்டளவில் குறைவான பெண்களே போட்டியிடுகின்றனர்.
கனடாவின் மூன்று முக்கிய அரசியல் கட்சிகளான லிபரல், கன்சர்வேடிவ் மற்றும் பிளாக் கியூபெக்கோயிஸ் ஆகியவற்றின் மூலம், 2021 ஆம் ஆண்டில் இடம்பெற்ற பொதுத்தேர்தலில் பெண்கள் அதிக எண்ணிக்கையில் வேட்பாளர்களாகத் தேர்ந்தெடுக்கப்பட்டனர்.
அதனுடன் ஒப்பிடும்போது, இந்த தேர்தலில் குறைவான பெண் வேட்பாளர்களே தேர்தலை எதிர்கொள்கின்றனர்.
அரசியலில் பெண்களை ஊக்குவிக்கும் ஒரு சார்பற்ற அமைப்பான ஈக்வல் வாய்ஸ் அமைப்பின் தரவுகள் இதுகுறித்த விபரங்களைத் தருகின்றன.
லிபரல் கட்சி, கன்சர்வேடிவ் கட்சி மற்றும் பிளாக் கியூபெக்கோயிஸ் கட்சி முதலான கட்சிகளில் பெண் மற்றும் பாலின வேறுபாடு கொண்ட வேட்பாளர்களின் சதவீதம், குறைந்துள்ளது.
இது “ஒரு கவலைக்குரிய போக்கு” என, ஈக்வல் வாய்ஸின் இடைக்கால நிர்வாக இயக்குனர் லிண்ட்சே ப்ரம்வெல் தெரிவித்துள்ளார்.
தேர்தலில் குறைவான பெண் வேட்பாளர்கள் இருந்தால், அதிக பெண்கள் தேர்ந்தெடுக்கப்படுவதற்கான வாய்ப்பு குறையும் என்று ப்ரம்வெல் எச்சரிக்கிறார்.
2021 ஆம் ஆண்டில் இடம்பெற்ற பொதுத்தேர்தலில், கனடாவின் வரலாற்றில் இல்லாத அளவுக்கு 103 பெண்கள் நாடாளுமன்ற பொதுச்சபைக்குத் தேர்ந்தெடுக்கப்பட்டமை குறிப்பிடத்தக்கது.
