கனடாவின் அல்பேட்டா மாகாணத்தில் உள்ள இன்னிஸ்பெயில் நகருக்கு அருகில், வளிமண்டலத்தில் இருந்து கார்பன் டை ஆக்சைடை நேரடியாகப் பிரித்தெடுக்கும் எட்டு வெவ்வேறு தொழில்நுட்பங்கள் சோதிக்கப்படும் ஒரு தனித்துவமான “கார்பன் அகற்றும் ஒலிம்பிக் போட்டி” தொடங்க உள்ளது.
மொண்ட்ரியல் நகரைத் தளமாகக் கொண்ட திட்ட உருவாக்குநரான டீப் ஸ்கை (Deep Sky) இந்த முயற்சியை வழிநடத்துகின்றது.
கனடாவின் காலநிலைக்கு மிகவும் பயனுள்ள நேரடி காற்று பிடிப்பு (Direct Air Capture – DAC) தொழில்நுட்பங்களை அடையாளம் கண்டு, வணிக ரீதியாகப் பயன்படுத்துவதே இதன் நோக்கம் ஆகும்.
சுமார் இரண்டு ஹெக்டேர் பரப்பளவு கொண்ட இந்த வசதி, தற்போது கட்டுமானத்தில் உள்ளது.
இது கல்கரிக்கு வடக்கே சுமார் 120 கிலோமீட்டர் தொலைவில் உள்ள ஒரு தொழில்துறை பூங்காவில் அமைந்துள்ளது.
பாரம்பரிய ஒலிம்பிக் போட்டிகளைப் போலல்லாமல், இந்த காலநிலை முயற்சியில் “வெற்றி பெறுபவர்களுக்கு” எந்தப் பதக்கமும் கிடைக்காது என்பது சுட்டிக்காட்டத் தக்கது.
