உலகில் நீண்ட ஆயுள் காலம் கொண்ட நாடான ஜப்பானில், முதன்முறையாக 100 வயது அல்லது அதற்கு மேற்பட்டவர்களின் எண்ணிக்கை 1 லட்சத்தைக் கடந்து வரலாற்றுச் சாதனை படைத்துள்ளது.
அந்நாட்டின் சுகாதார, தொழிலாளர் மற்றும் நலத்துறை அமைச்சகம் வெளியிட்டுள்ள தகவலின்படி, 100 வயதுக்கு மேற்பட்டவர்களின் எண்ணிக்கை தொடர்ந்து 56-வது ஆண்டாக அதிகரித்து 1,07,677-ஐ எட்டியுள்ளது. இது கடந்த ஆண்டை விட சுமார் 8,000 அதிகம் எனத் தெரிவிக்கப்பட்டுள்ளது.
100 வயதைக் கடந்தவர்களில் 88 சதவீதம் பேர் பெண்கள் ஆவர். இதில் கியோட்டோவைச் சேர்ந்த 114 வயது பூயோ கிஷிமோட்டோ மற்றும் குமாமோட்டோவைச் சேர்ந்த 112 வயது ஹிகாரு கட்டோ ஆகியோரும் அடங்குவர் என்று அமைச்சகம் குறிப்பிட்டுள்ளது.
ஜப்பானில் கடந்த சில ஆண்டுகளாக மக்கள் தொகை சரிவு காணப்படுவதுடன், பிறப்பு விகிதமும் தொடர்ந்து சரிவைச் சந்தித்து வருகிறது. இத்தகைய பின்னணியிலும் 100 வயதுப் பிரிவில் உள்ளவர்களின் எண்ணிக்கை மட்டும் அதிகரித்து வருவது குறிப்பிடத்தக்கது.
அந்நாட்டு மக்களின் ஆரோக்கியமான உணவு முறைகள் மற்றும் மேம்பட்aட சுகாதார அமைப்பு ஆகியவையே ஜப்பான் மக்களின் இந்த நீண்ட ஆயுளுக்கு முக்கியக் காரணம் என்று விஞ்ஞானிகள் தெரிவித்துள்ளனர்.
