கியூபெக் மாகாண அரசியலில் லிபரல் கட்சியின் பாரம்பரிய ஆதரவு தளமாக விளங்கும் ஆங்கில மொழிப் பேசுபவர்கள் மற்றும் சிறுபான்மை சமூகங்களின் வாக்குகளைத் தன்வசம் ஈர்க்கக் கன்சர்வேடிவ் கட்சியின் தலைவர் எரிக் துஹேம் (Éric Duhaime) தீவிர முயற்சியில் ஈடுபட்டுள்ளார்.
கியூபெக் மாகாணத்தின் புதிய அரசியல் சூழ்நிலை மற்றும் தேர்தல் வரவு செலவுத் திட்டங்கள் குறித்து கருத்து தெரிவிக்கும் போதே அவர் இந்த உத்தியை வெளிப்படுத்தியுள்ளார்.
ஆளும் CAQ அரசாங்கம், பிரெஞ்சு மொழியைப் பாதுகாப்பதாகக் கூறிக்கொண்டு கொண்டுவந்துள்ள ’96-ஆம் இலக்க மொழிச் சட்டம்’ (Bill 96) மூலம் ஆங்கில மொழிச் சமூகத்தினரின் உரிமைகளைப் பறித்து அவர்களைப் இரண்டாம் தரப் பிரஜைகளாக நடத்தியுள்ளதாக, எரிக் துஹேம் தெரிவித்துள்ளார்.
அதேநேரத்தில், முதன்மை எதிர்க்கட்சியான லிபரல் கட்சி, இந்தச் சட்டத்தை எதிர்ப்பதில் முற்றிலும் பலவீனமாகச் செயற்பட்டுத் தனது வாக்காளர்களைக் கைவிட்டுள்ளது” என்று அவர் கடுமையாக விமர்சித்துள்ளார்.
கியூபெக் சிட்டி மற்றும் கிராமப்புறப் பகுதிகளில் ஏற்கெனவே தீவிர ஆதரவைப் பெற்றுள்ள கன்சர்வேடிவ் கட்சி, தற்போது மொன்றியல் பிராந்தியத்திலுள்ள ஆங்கில மொழி வாக்காளர்களின் நம்பிக்கையைப் பெறுவதன் மூலம், கியூபெக் மாகாணச் சட்டசபையில் குறிப்பிடத்தக்க இடங்களைக் கைப்பற்ற முடியும் எனத் துஹேம் நம்பிக்கை வெளியிட்டுள்ளார்.
