கியூபெக் மாகாணத்தின் தெற்கு பகுதிகளில் எதிர்பார்க்கப்படும் கடும் ice storm காரணமாக பல கல்வி நிறுவனங்கள் புதன்கிழமை (Wednesday) மூடப்படுவதாக அறிவிக்கப்பட்டுள்ளது.
மொன்ரியாலின் வடக்கு கரையில் செயல்படும் Sir Wilfrid Laurier School Board செவ்வாய்க்கிழமை பிற்பகல் வெளியிட்ட அறிவிப்பில், புதன்கிழமை மாணவர்கள் வீட்டிலேயே இருக்க வேண்டும் என்றும், daycare சேவைகளும் மூடப்படும் என்றும் தெரிவித்துள்ளது. அவசியமான பணியாளர்கள் தவிர மற்ற ஊழியர்கள் வீட்டிலிருந்தே பணிகளை (telework) மேற்கொள்ளுமாறு அறிவுறுத்தப்பட்டுள்ளனர்.
அதேபோல், கியூபெக் நகரத்திற்கு அருகிலுள்ள Chaudière-Appalaches பகுதியில் இயங்கும் Centre de services scolaire des Navigateurs (CSSDN) நிர்வாகமும் பள்ளிகள் மற்றும் daycare சேவைகள் மூடப்படுவதாக அறிவித்துள்ளது. பெற்றோர்கள் மாற்று ஏற்பாடுகளை செய்ய அதிக நேரம் வழங்குவதற்காக இந்த முடிவு முன்னெச்சரிக்கையாக எடுக்கப்பட்டதாக நிர்வாகம் தெரிவித்துள்ளது.
மேலும் Centre de services scolaire de Laval கீழ் உள்ள அனைத்து பள்ளிகளும் மற்றும் கல்வி மையங்களும் புதன்கிழமை முழுவதும் மூடப்படும். பகல் மற்றும் மாலை வகுப்புகள் (online வகுப்புகள் உட்பட) ரத்து செய்யப்பட்டுள்ளதுடன், பள்ளி போக்குவரத்து சேவைகளும் நிறுத்தப்பட்டுள்ளன.
இதேவேளை, மொன்ரியாலில் அமைந்துள்ள Concordia University புதன்கிழமை நடைபெறவிருந்த நேரடி (in-person) வகுப்புகளை ரத்து செய்துள்ளது.
கடும் ice storm ஏற்படும் அபாயத்தை முன்னிட்டு மாணவர்கள், பணியாளர்கள் மற்றும் பொதுமக்களின் பாதுகாப்பை கருத்தில் கொண்டு இந்த நடவடிக்கைகள் மேற்கொள்ளப்பட்டுள்ளதாக அதிகாரிகள் தெரிவித்துள்ளனர்.
