தமிழ் திரையுலகில் ‘சிவா மனசுல சக்தி’ திரைப்படத்தின் மூலம் மாபெரும் வெற்றிப் கூட்டணியாக இணைந்து ரசிகர்களைக் கவர்ந்த நடிகர் ஜீவா, இயக்குனர் எம். ராஜேஷ் மற்றும் இசையமைப்பாளர் யுவன் சங்கர் ராஜா ஆகிய மூவரும் சுமார் 16 ஆண்டுகளுக்குப் பிறகு மீண்டும் ‘ஜாலியா இருந்த ஒருத்தன்’ திரைப்படத்திற்காக ஒன்றிணைந்துள்ளனர்.
பெரும் எதிர்பார்ப்பை ஏற்படுத்தியுள்ள இத்திரைப்படத்தின் மிக முக்கியமான ஃபர்ஸ்ட் சிங்கிள் பாடல் வரும் வெள்ளிக்கிழமை மாலை 6 மணிக்கு அதிகாரப்பூர்வமாக வெளியாகவுள்ளதாக படக்குழுவினர் மகிழ்ச்சியுடன் அறிவித்துள்ளனர்.
இப்படத்தில் ஜீவாவுக்கு ஜோடியாக முன்னணி நடிகை இவானா நடித்துள்ளார்.
மேலும், பிரபல யூடியூப் புகழ் ‘பரிதாபங்கள்’ சுதாகர், மூத்த நடிகர் எம். எஸ். பாஸ்கர், பகவதி பெருமாள், துளசி, ராஜ் அய்யப்பா மற்றும் அப்துல் லீ என மிகப்பெரிய நட்சத்திரப் பட்டாளமே இதில் களம் இறங்கியுள்ளது.
முழுநீள நகைச்சுவை மற்றும் கலகலப்பான பொழுதுபோக்குத் திரைப்படமாக உருவாகி வரும் இத்திரைப்படத்திற்கு எம். சுகுமார் ஒளிப்பதிவு செய்ய, ஆசிஷ் ஜோசப் படத்தொகுப்புப் பணிகளைக் கவனித்துள்ளார்.
மாலிக் ஸ்ட்ரீம்ஸ் கார்ப்பரேஷன் சார்பில் டத்தோ அப்துல் மாலிக் தயாரித்துள்ள இத்திரைப்படத்தின் இறுதி கட்டப் படப்பிடிப்பு விறுவிறுப்பாக நடைபெற்று வருகிறது.
தமிழ்நாட்டின் திரையரங்க விநியோக உரிமத்தை முன்னணி தயாரிப்பு நிறுவனமான ஏஜிஎஸ் என்டர்டெயின்மென்ட் கைப்பற்றியுள்ளதால், விரைவில் இத்திரைப்படம் திரையரங்குகளில் பிரம்மாண்டமான முறையில் வெளியாகவுள்ளது உறுதி செய்யப்பட்டுள்ளது.
