புகழ்பெற்ற ஜாஸ் (Jazz) பியானோ கலைஞரும், இசையமைப்பாளரும், நாட்டின் இசைத் துறையின் அடையாளம் எனப் போற்றப்படுபவருமான ஆலிவர் ஜோன்ஸ் (Oliver Jones) தனது 91 ஆவது வயதில் மொன்றியலில் காலமானார்.
கிட்டத்தட்ட ஒன்பது தசாப்தங்களாக இசைத் துறையில் ஆதிக்கம் செலுத்தி, மொன்றியல் நகரை சர்வதேச ஜாஸ் இசையின் மையமாக உயர்த்தியதில் ஆலிவர் ஜோன்ஸ் மிக முக்கியப் பங்காற்றினார்.
1981 ஆம் ஆண்டு முதல் 1999 ஆம் ஆண்டு வரை உலகப் புகழ்பெற்ற ‘மொன்றியல் சர்வதேச ஜாஸ் திருவிழாவில்’ (Montreal Jazz Festival) தொடர்ந்து ஒவ்வொரு ஆண்டும் பங்கேற்று கியூபெக் மாகாணத்துக்கு இவர் சேவையாற்றியுள்ளார்.
ஆலிவர் ஜோன்ஸின் மறைவுக்கு பிரதமர் மார்க் கார்னி, மொன்றியல் நகரத்தின் மேயர், இசைத்துறை பிரபலங்கள் மற்றும் உலகம் முழுவதிலும் உள்ள ரசிகர்கள் தங்களது ஆழ்ந்த இரங்கல்களைத் தெரிவித்துவருகின்றமை குறிப்பிடத் தக்கது.
