புரிந்துணர்வு ஒப்பந்தம் குறித்த குற்றச்சாட்டுகளை மறுத்துள்ளார் புதிய அமைச்சர்!

காலநிலை மாற்றக் கொள்கைகளை மத்திய அரசு ‘கைவிடுவதாக’ முன்னாள் சுற்றுச்சூழல் அமைச்சர் ஸ்டீவன் கில்பல்ட் (Steven Guilbeault) முன்வைத்த
குற்றச்சாட்டுகளை, புதிய சுற்றுச்சூழல் அமைச்சர் ஜூலி டாப்ரூசின் (Julie Dabrusin), வலுவாக மறுத்துள்ளார்.

அல்பெர்ட்டா மாகாணத்துடன் மத்திய அரசு சமீபத்தில் கையெழுத்திட்ட புரிந்துணர்வு ஒப்பந்தம் (MOU) குறித்து முன்னாள் சுற்றுச்சூழல் அமைச்சர் ஸ்டீவன் கில்பல்ட் (Steven Guilbeault) தனது அதிருப்தியை வெளிப்படுத்திய பின்னர் தாம் மத்திய அரசில் வகித்து வந்த அமைச்சுப் பதவியை விட்டு அண்மையில் விலகினார்.
இந்த நிலையில் , புதிய சுற்றுச்சூழல் அமைச்சராகப் பதவியேற்றுள்ள ஜூலி டாப்ரூசின் (Julie Dabrusin), அல்பெர்ட்டா மாகாணத்துடன் கையெழுத்திடப்பட்ட புரிந்துணர்வு ஒப்பந்தம் குறித்த குற்றச்சாட்டுகளை மறுத்துள்ளார்.

இது பேச்சுவார்த்தைக்கான ஒரு வழிமுறை என்று அவர் சுட்டிக்காட்டியுள்ளார். ஒவ்வொரு மாகாணமும் மத்திய அரசின் இலக்குகளைத் தங்களின் சொந்த
வழியில் அடைவதை நிரூபிக்க, சமநிலை ஒப்பந்தங்களைப் (Equivalency Agreements) பேசிக்கொள்ள இந்த விதிமுறை இடமளிப்பதாக, புதிய சுற்றுச்சூழல் அமைச்சர் ஜூலி டாப்ரூசின் குறிப்பிட்டுள்ளார்.