கனடாவுக்கான அமெரிக்கத் தூதர் பீட் ஹூக்ஸ்ட்ரா (Pete Hoekstra), ஒன்ராறியோ மாகாணத்தின் வர்த்தகப் பிரதிநிதியான டேவிட் பேட்டர்சன் (David Paterson) மீது, ஆபாச வார்த்தைகள் கலந்த கடுமையான வாய்மொழித் தாக்குதலை நடத்தியுள்ளார்.
கனடிய அமெரிக்க வர்த்தகக் கவுன்சிலின் கூட்டம் ஒட்டாவாவில் உள்ள தேசிய கலைக்கூடத்தில் (National Gallery of Canada) நடைபெற்றது.
இந்த நிகழ்வின் போதே, இச்சம்பவம் இடம்பெற்றுள்ளது.
இந்த வாய்மொழித் தாக்குதலுக்குக் காரணம், ஒன்ராறியோ மாகாண அரசு அமெரிக்கத் தொலைக்காட்சியில் சமீபத்தில் ஒளிபரப்பிய வரிக்கு எதிரான விளம்பரம் (anti-tariff ad) தான் என பல சாட்சிகள் உறுதிப்படுத்தியுள்ளன.
அமெரிக்கத் தூதர் ஹூக்ஸ்ட்ரா, ஒன்ராறியோ வர்த்தகப் பிரதிநிதியிடம் ஆபாச வார்த்தைகளைப் பயன்படுத்தியதாகவும், ஒன்ராறியோ மாகாண முதல்வர் டக் ஃபோர்டு (Doug Ford) அவர்களின் பெயரைக் குறிப்பிட்டதாகவும் சம்பவத்தை நேரில் பார்த்தவர்கள் தெரிவித்துள்ளனர்.
இந்த சம்பவம் குறித்து கருத்துத் தெரிவிக்க கனடாவுக்கான அமெரிக்கத் தூதரகம் மறுத்துவிட்டது
