அமெரிக்காவுடன் ஒரு மோசமான வர்த்தக ஒப்பந்தத்தை கனடா
ஏற்றுக்கொள்ளாது என்று அந்நாட்டின் வர்த்தக அமைச்சர் டொமினிக்
லெப்லாங்க் திட்டவட்டமாகக் கூறியுள்ளார்.
ஓகஸ்ட் 1 காலக்கெடுவுக்குள் சாத்தியமான ஒரு ஒப்பந்தம் எட்டப்படவில்லை
என்றும், இருப்பினும் எதிர்காலப் பேச்சுவார்த்தைகள் குறித்து தான்
நம்பிக்கையுடன் இருப்பதாகவும் அவர் தெரிவித்துள்ளார்.
கனடா-அமெரிக்க வர்த்தகப் பொறுப்பாளர் லெப்லாங்க்,
“பேச்சுவார்த்தைகள் சிக்கலானவை என்றாலும், அமெரிக்கா தொடர்ந்து
பேச்சுவார்த்தை நடத்தத் தயாராக இருப்பது ஊக்கமளிப்பதாகவும்”
கூறினார்.
இதேவேளை, அமெரிக்க ஜனாதிபதி டொனால்ட் டிரம்ப் கனடாவின்
பொருட்கள் மீது புதிய வரிகளை விதிக்கும் ஒரு நிர்வாக உத்தரவில்
வியாழக்கிழமை கையெழுத்திட்டார்.
இதன்படி, கனடா-அமெரிக்கா-மெக்சிகோ ஒப்பந்தத்துடன் (CUSMA)
இணங்காத கனேடியப் பொருட்களுக்கான வரிகள் 25% இலிருந்து 35% ஆக
அதிகரிக்கப்பட்டுள்ளன.
