55,000 ஊழியர்களைப் பிரதிநிதித்துவப்படுத்தும் முக்கிய தொழிற்சங்கத்தின், தற்போதைய முரண்பாட்டை மத்தியஸ்தம் மூலம் தீர்ப்பதற்கான கோரிக்கையை கனடா போஸ்ட் நிராகரித்துள்ளது.
மேலும், தனது சமீபத்திய ஒப்பந்த திட்டத்திற்கு தொழிற்சங்க உறுப்பினர்களிடையே ஒரு கட்டாய வாக்கெடுப்பை நடத்துமாறு கனடா போஸ்ட் கோரியுள்ளது.
தான் “நிலையான தன்மையை மீட்டெடுக்க” விரும்புவதாகவும், மத்தியஸ்தச் செயற்பாடு அதற்கு நேர்மாறாக செயல்படும் என்றும் கனடா போஸ்ட் தெரிவித்துள்ளது.
கடந்த புதன்கிழமை அன்று, தனது “இறுதி சலுகை” என்று அழைக்கப்பட்ட ஒரு திட்டத்தை, கனடா போஸ்ட் வழங்கியது.
இந்த சலுகைத் திட்டத்தில் கட்டாய மேலதிக நேரத்தை முடிவுக்குக் கொண்டுவருதல் மற்றும் 1,000 டொலர் வரை கையொப்பமிடும் போனஸ் ஆகியவை உள்ளடங்கும்.
