செயற்கை நுண்ணறிவு ஆய்வகமான ஆந்த்ரோபிக் (Anthropic) நிறுவனம், நிதி ஆலோசகர்களுக்கான பிரத்யேகக் கருவிகளின் தொகுப்பை திங்கள்கிழமையன்று அறிமுகப்படுத்தியது.
“கிளார்ட் ஃபார் ஃபைனான்சியல் அட்வைசர்ஸ்” (Claude for Financial Advisors) என்று அழைக்கப்படும் இந்த தயாரிப்பு, பிளாக்ராக் (BlackRock), சார்லஸ் ஸ்வாப் (Charles Schwab) மற்றும் அடேபார் (Addepar) உள்ளிட்ட நிறுவனங்களின் முதலீட்டு பகுப்பாய்வு மற்றும் செல்வ மேலாண்மை (wealth-management) மென்பொருட்களுடன் கிளார்ட் சாட்பாட்டை (Claude chatbot) இணைக்கிறது.
மேலும், என்வெஸ்ட்நெட் (Envestnet), ஐகேபிடல் (iCapital), ஓரியன் (Orion), வெல்த்பாக்ஸ் (Wealthbox), வெல்த்.காம் (Wealth.com) மற்றும் சாக்ஸ் (Zocks) உள்ளிட்ட நிறுவனங்களின் தரவு மற்றும் மென்பொருட்களுடனும் கிளார்ட் இணைக்கப்பட்டுள்ளது.
இந்த புதிய தயாரிப்பு, நிதி சேவை நிறுவனங்கள் வாடிக்கையாளர் சந்திப்புகளுக்கு ஆயத்தமாகி, முதலீட்டுத் தொகுப்புகளை (portfolios) மதிப்பாய்வு செய்யவும், சந்திப்புகளுக்குப் பிந்தைய தொடர் பணிகளைக் கையாளவும் உதவும் வகையில் வடிவமைக்கப்பட்டுள்ளது.
ஆந்த்ரோபிக் நிறுவனம் ஏற்கனவே தனது கிளார்ட் AI மாதிரியை அடிப்படையாகக் கொண்டு, முதலீட்டு ஆராய்ச்சி, முதலீட்டுத் தொகுப்பு பகுப்பாய்வு, நிதி மாடலிங் மற்றும் வாடிக்கையாளர் ஆவணங்களை ஆயத்தப்படுத்துதல் ஆகிய பணிகளுக்கான கருவிகளை உருவாக்கியுள்ளது. அதன் தொடர்ச்சியாகவே நிதிச் சேவைத் துறையிலான இந்த விரிவான முயற்சி அமைந்துள்ளது.
போட்டியாளரான ஓபன்ஏஐ (OpenAI) நிறுவனம், முதலீட்டு வங்கியாளர்கள் மற்றும் பங்குப் சந்தை ஆராய்ச்சியாளர்களை இலக்காகக் கொண்டு, நிதி ஆராய்ச்சி, மாடலிங் மற்றும் வாடிக்கையாளர் ஆவணங்களுக்கான சாட்ஜிபிடி (ChatGPT) பதிப்பை அறிமுகப்படுத்திய சில நாட்களிலேயே ஆந்த்ரோபிக் இந்த அறிவிப்பை வெளியிட்டுள்ளது.
AI தொழில்நுட்பம் தவறாகப் பயன்படுத்தப்படுமோ என்ற பயம் அதிகரித்து வரும் நிலையிலும், அதன் வளர்ச்சி வேகம் மற்றும் செலவுகள் குறித்து தொழில் துறைத் தலைவர்கள் கேள்வி எழுப்பி வரும் சூழலிலும் இந்த அறிவிப்பு வெளிவந்துள்ளமை குறிப்பிடத்தக்கது.
