மொன்றியல் நகரின் மேற்கு தீவு (West Island) பகுதியில் அமைந்துள்ள பொய்ன்ட்-கிளேர் (Pointe-Claire) பகுதியில் இடம்பெற்ற விபத்தில், கட்டுப்பாட்டை இழந்த கார் ஒன்று வீதியோர மரத்தில் மோதி வீழ்ந்தது.
இந்த கொடூர விபத்தில் படுகாயமடைந்த 61 வயதான ஆண் சாரதி ஆபத்தான நிலையில் மருத்துவமனையில் அனுமதிக்கப்பட்டுள்ளார்.
மொன்றியல் காவல்துறையினரின் (SPVM) தகவல்படி, பொய்ன்ட்-கிளேர் பகுதியின் சோர்சஸ் பூலேவார்ட் (Sources Boulevard) வீதியில், ஹைமஸ் பூலேவார்ட் (Hymus Boulevard) மற்றும் அவ்ரோ வீதிக்கு (Avro Street) இடைப்பட்ட பகுதியில் வாகன விபத்து ஒன்று நிகழ்ந்துள்ளதாகக் அவசர உதவி இலக்கத்திற்கு அழைப்பு வந்துள்ளது.
முதற்கட்ட விசாரணைகளின்படி, பாதிக்கப்பட்ட ஓட்டுநர் சோர்சஸ் பூலேவார்ட் வழியே வடக்கு நோக்கிப் பயணித்துக்கொண்டிருந்தபோது, எதிர்பாராதவிதமாக அவரது வாகனம் கட்டுப்பாட்டை இழந்து வீதியோரத்திலிருந்த மரத்தின் மீது பலமாக மோதியுள்ளது.
விபத்து குறித்துத் தகவல் கிடைத்ததும் சம்பவ இடத்திற்கு விரைந்து வந்த ‘உர்ஜென்ஸ்-சான்டே’ (Urgences-santé) அவசர மருத்துவக் குழுவினர், தீவிர காயமடைந்த சாரதிக்கு முதலுதவி அளித்து உடனடியாக மருத்துவமனைக்குக் கொண்டு சென்றனர்.
அவரது தற்போதைய நிலை குறித்த மேலதிகத் தகவல்களை எதிர்பார்த்துள்ளதாகத் தெரிவித்துள்ள காவல்துறையினர், அவர் உயிருக்கு ஆபத்தான நிலையில் தீவிர சிகிச்சை பெற்று வருவதாக உறுதிப்படுத்தியுள்ளனர்.
