கனடாவிலிருந்து ஏற்றுமதி செய்யப்படும் பசுமையான காளான்களுக்கு (Fresh Mushrooms) அமெரிக்கா புதிய வர்த்தக வரிகளை விதித்துள்ளது.
அமெரிக்காவின் இந்த நடவடிக்கை காரணமாக, 650 மில்லியன் டொலர் மதிப்புள்ள கனேடிய காளான் உற்பத்தித் துறை பெரும் பாதிப்பைச் சந்திக்கும் என அஞ்சப்படுகிறது.
கனேடிய காளான் உற்பத்தியாளர்கள் அமெரிக்கச் சந்தையில் மிகக் குறைந்த விலைக்குப் பொருட்களை விற்பனை செய்வதாக (Dumping), அமெரிக்க காளான் சங்கம் புகார் அளித்தது.
இதனைத் தொடர்ந்து நடத்தப்பட்ட முதற்கட்ட விசாரணையில், கனேடிய காளான்களுக்கு 8% முதல் 15% வரை வரிகளை விதிப்பதற்கு, அமெரிக்க வர்த்தகத் துறை முடிவு செய்துள்ளது.
கனடா ஆண்டுதோறும் சுமார் 5 கோடி கிலோகிராம் காளான்களை அமெரிக்காவிற்கு ஏற்றுமதி செய்கிறது.
தற்போது விதிக்கப்பட்டுள்ள வரி உயர்வால், அமெரிக்கச் சந்தையில் கனேடிய காளான்களின் விலை அதிகரிக்கும் நிலை ஏற்பட்டுல்ளமையால் அதன் விற்பனை குறைவதற்கு வாய்ப்பு உருவாகியுள்ளது.
ஒன்ராறியோ, பிரிட்டிஷ் கொலம்பியா மற்றும் கியூபெக் மாகாணங்களில் உள்ள நூற்றுக்கணக்கான காளான் பண்ணைகள், இந்த வரி உயர்வால் நஷ்டத்தைச் சந்திக்க நேரிடும் என்று எதிர்வுகூரப்பட்டுள்ளது.
